Hussain Ke Jaisa Lyrics In Urdu Mukhtar Hussain 2011
Hussain Ke Jaisa Lyrics In Urdu Mukhtar Hussain Fatehpuri
Kahan Se Laye Gi Dunya Hussain Ke Jaisa.
Faqat Hussain Miley Ga Hussain Ke Jaisa.
Ibadaton Ka Tu Jari Hai Silsila Ab Tak.
Namaz Ko Woh Namazi Nahi Mila Ab Tak.
Karey Jo Khak Pe Sajdah Hussain Ke Jaisa.
Khuda Bhi Naaz Karey Fakhar-e-Alamin Baney.
Hai Oss Rasool Ka Haq Shah-e-Mursalin Baney.
Hai Jis Nabi Ka Nawasa Hussain Ke Jaisa.
Fazeelatein Jo Koi Karbala Ki Pochay Ga.
Mujhe Yaqeen Hai Kaba Jawab Yeh De Ga.
Nahi Kissi Ka Bhi Roza Hussain Ke Jaisa.
Dalair Maan Rahi Hain Shujatein Tum Ko.
Salam Karti Hain Asghar Shahadatein Tum Ko.
Hai Chey Maheeney Mein Jazba Hussain Ke Jaisa.
Shikast Kis Ki Hai Maidaan Mein Faisla Kar Le.
Daleel Chor De Aa Ja Mubahila Kar Le.
Hai Tere Pas Tu Le Aa Hussain Ke Jaisa.
Yeh Sirf Khat Nahi Tehreer Hai Muqadar Ki.
Habib Tum Pe Inayat Hoi Hai Sarwar Ki.
Tumhein Bulata Hai Maula Hussain Ke Jaisa.
Nuseriyon Se Kaho Chor Dein Bazid Hona.
Qabool Kaisay Karey Ga Woh Lam Yalid Hona.
Jisay Naseeb Ho Beta Hussain Ke Jaisa.
Khuda Hi Jane Keh Abbas Kya Hai Shan Teri.
Yeh Manzalat Yeh Sadat Kisay Naseeb Hoi.
Tujhe Samajhti Hain Zahra Hussain Ke Jaisa.
Sikha Gayi Hain Zamane Ko Sani-e-Zahra.
Yehi Aqeeda Hai :MUKHTAR: Our :TAKALLUM: Ka.
Kahan Hai Wird Koi Ya Hussain Ke Jaisa.
Poet: :Mir Takallum Mir:
Manqabat Khuwan: :Mukhtar Hussain Fatehpuri:
Manqabat Volume: :Mukhtar Hussain Fatehpuri 2011-12:
#HussainKeJaisa
#ImamHussain
#ManqabatLyrics
#tajpoint
Hussain Ke Jaisa Lyrics In Urdu Mukhtar Hussain 2011 Write Up Poster Image
