Mil Ke Sab Matam-e-Shabbir Karein Lyrics In Urdu 1993

Mil Ke Sab Matam-e-Shabbir Karein Lyrics In Urdu 1993

Mil Ke Sab Matam-e-Shabbir Karein.

Dil Ba Dil Seena Ba Seena Karbala Tameer Karein.

Yeh Matam Pehchan Hamari Iss Pe Jaan Qurban Hamari.
Jism Yehi Yeh Jan Hamari Yeh Matam Hai Shan Hamari.
Kehta Hai Eman Hamara Sare Jawan-o-Peer Karein.

Asghar Teri Pyas Ka Matam Akbar Ka Abbas Ka Matam.
Hasrat Ka Our Yaas Ka Matam Hasil Hai Ahsas Ka Matam.
Lakh Zamana Hum Ko Rokay Hum Iss Ki Tasheer Karein.

Yeh Matam Mazloom Ka Matam Zahra Ke Masoom Ka Matam.
Pani Se Mehroom Ka Matam Taig Talay Halqoom Ka Matam.
Iss Matam Se Hum Jo Chahein Waqt Ko Zanjeer Karein.

Abid Ki Zanjeer Ka Matam Khushk Galay Our Teer Ka Matam.
Zainab Ka Shabeer Ka Matam Dil Se Karein Dilgeer Ka Matam.
Jo Matam Zainab Ne Kiya Tha Hum Oss Ki Tafseer Karein.

Matam Kya Hai Sheh Ka Alam Hai Yeh Matam Tu Dein Ka Bharam Hai.
Jis Se Khushi Ho Woh Yeh Gham Hai Haq Ka Yehi Matam Parcham Hai.
Iss Parcham Ko Iss Matam Ko Seeno Pe Tehreer Karein.

Matam Jis Ka Darya Darya Jis Ki Wafa Eman Ka Chehra.
Jis Ke Alam Ka Khoon Mein Pharera Doob Gaya Woh Chand Na Doba.
Oss Ki Wafa Kehti Hai Hum Se Dunya Ko Taskheer Karein.

Yaad Mein Teri Sham-e-Ghareebaan Matam Karne Walay Insaan.
Kartay Hain Jab Chak Girebaan Zahra Khud Hoti Hain Giriya.
Sunat-e-Zahra Hai Yeh Matam Iss Ko Alamgir Karein.

Kar Na Saki Jo Bhai Ka Gham Oss Zainab Ki Yaad Mein Ab Hum.
Ranj-o-Khushi Se Kar Ke Bahum Har Din Samjhein Mah-e-Muharram.
Zakhm-e-Dil-e-Zainab Ki Khatir Koi Dawa Akseer Karein.

Jin Ke Rasan Mein Hath Bandhay They Kaisay Bhala Woh Matam Kartay.
Unn Ki Dilon Mein Yaad Basa Ke Nohay Ki Matam Ki Sada Se.
Ahl-e-Azza Zahra Ki Dua Se Khuld Ko Jageer Karein.

Maula Aisa Zarf Atta Kar Yeh Matam Sogat Bana Kar.
Le Jaein Seeno Pe Saja Kar Shehar-e-Najaf Mein Dil Mein Basa Kar.
Apni Azadari Ka Tohfa Nazar-e-Khaybar Geer Karein.

Keh Dein Gay :REHAN-o-SARWAR: Hashar Mein Jab Khatoon-e-Mehshar.
Pochein Gi Yeh Baat Jo Aa Kar Chahiye Kya Matam Ki Bina Par.
Hum Keh Dein Gay Hum Ko Ghulam-e-Shabar-o-Shabeer Karein.

Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1992-93:

#MilKeSabMatameShabbirKarein
#NohayLyrics
#tajpoint

Mil Ke Sab Matam-e-Shabbir Karein Old Noha

Mil Ke Sab Matam-e-Shabbir Karein Lyrics In Urdu 1993 Write Up Poster Image

Mil Ke Sab Matam-e-Shabbir Karein Lyrics In Urdu 1993

Video Link