Hum Ne Khana Kabhi Amma Ke Bina Khaya Hai Lyrics In Urdu 2021

Hum Ne Khana Kabhi Amma Ke Bina Khaya Hai.

Ik Roz Shah Zadi Ne Asmaa Se Yeh Kaha.
Main Ja Rahi Hoon Hujrey Mein Karne Ko Ab Dua.
Aawaz Gar Na Aayi Marey Shoor-o-Shain Ki.
Bas Yeh Samjhna Mar Gayi Madar Hussain Ki.
Bachay Jo Aaein Laut Ke Tu Pyar Kijiyo.
Marne Ka Meri Kuch Bhi Na Izhar Kijiyo.
Al-Qissa Band Ho Gayi Aawaz Shoor-o-Shain.
Asmaa Pacharein Khati Thi Our Kar Rahi Thi Bain.
Itney Mein Aaye Khailtey Ghar Mein Hasan Hussain.
Asmaa Yeh Aanso Ponch Ke Kehti Thin Dil Ke Chain.
Khana Laga Rahi Hoon Main Ab Khana Khaiye.
Bachay Tarap Ke Kehne Lagay Yeh Bataiye.

Tumko Maloom Hai Yeh Aaj Talak Aye Asmaa.
Hum Ne Khana Kabhi Amma Ke Bina Khaya Hai.
Kaisi Batein Hain Ajab Hota Hai Dil Ko Sadma.

Pehle Batlao Aye Asmaa Keh Kahan Hain Amma.
Le Chalo Hum Ko Bhi Iss Waqt Jahan Hain Amma.
Kyun Sunai Nahi Deti Humein Amma Ki Sada.

Ja Ke Amma Se Kaho Noor-e-Nazar Aaye Hain.
Jis Pe Qurbaan Thin Wohi Lakht-e-Jigar Aaye Hain.
Phir Hamesha Ki Tarha Door Ke Liptaein Zara.

Tum Ko Maloom Hai Kis Tarha Bulati Thin Woh.
Apne Hathoon Se Humein Khana Khilati Thin Woh.
Chomti Jati Thin Ulfat Se Hamara Chehra.

Gaud Mein Baith Ke Unn Ke Hi Sakoon Paein Gay.
Amma Jab Khana Khilaein Gi Tu Hum Khaein Gay.
Kis Liye Band Hai Amma Ka Abhi Tak Hujra.

Kis Liye Roti Ho Ab Jald Batao Asmaa.
Tum Ko Nana Ki Qasam Kuch Na Chupao Asmaa.
Dil Dharkta Hai Phata Jata Hai Gham Se Seena.

Sun Ke Bachoon Ki Fogaan Cheekh Ke Roein Asmaa.
Aah Lipta Ke Kalejay Se Yeh Bolein Asmaa.
Tukray Dil Ho Gaya Sun Sun Ke Tumhara Jumla.

Aye Marey Ladlo Kiya Iss Tarha Ghabratay Hain.
Jin Ki Maein Nahi Hotin Woh Nahi Khatay Hain?.
Tum Ko Amma Ki Qasam Ab Na Dobarah Kehna.

Ab Na Aaein Gi Khilaney Ko Tumhari Amma.
Chor Kar Hum Ko Soye Khuld Sidharein Amma.
Aye Marey Ladlo Iss Waqt Baja Hai Kehna.

:AINEE: Kis Tarha Se Oss Waqt Ka Likhe Manzar.
Lash Par Maa Ki Yeh Kehte They Woh :AAMIR: Ro Kar.
Kaisay Ta Zindagi Ab Khaein Gay Khana Tanha.

Poet: :Ainee Rizvi:
Noha Khuwan: :Ameer Hasan Aamir:
Noha Volume: :Ameer Hasan Aamir 2020-21:

#HumNeKhanaKabhiAmmaKeBinaKhayaHai
#AyameFatmiyah
#NohaLyrics
#tajpoint

Hum Ne Khana Kabhi Amma Ke Bina Khaya Hai Lyrics In Urdu 2021