Zainab Tera Zakhmi Baba Mir Hasan Mir Lyrics Urdu 2021
Zainab Tera Zakhmi Baba Mir Hasan Mir
Fajar Uneeswin Ramzan Ki Tarpati Hai.
Fatima Zahra Ki Jis Waqt Sada Aati Hai.
Aa Dekh Le Zainab Tera Zakhmi Baba Ghar Laut Ke Aaya Hai.
Kandhoon Pe Uthaye Youn Betay Hain Laye Lagta Hai Janaza Hai.
Mushkil Se Safar Yeh Tey Hai Kiya Jari Hai Lahu Ka Darya.
Masjid Se Ghar Tak Har Aik Qadam Par Beton Ne Sanbhala Hai.
Halat Hi Ajab Hai Baba Ki Pehchanna Mushkil Hoga.
Zahra Ki Ghareebi Yaad Aaye Gi Bibi Tar Khon Mein Chehra Hai.
Jarah Se Hujray Ke Bahir Jab Haal Hasan Ne Pocha.
Woh Ro Ke Pukara Mushkil Howa Jeena Yeh Zakhm Hi Aisa Hai.
Ab Sham-e-Ghareebaan Mein Tum Ko Yeh Chehra Nazar Aaye Ga.
Aye Sani-e-Zahra Kuch Roz Ka Mehman Ab Aap Ka Baba Hai.
Yeh Shana Hila Kar Kehti Hain Abbas-e-Jarri Ki Madar.
Bibi Uth Jao Ashkon Ko Chupao Baba Ne Bulaya Hai.
Qadmo Mein Gir Ke Zainab Ke Ghazi Ki Behan Yeh Boli.
Baba Ko Bacha Lo Sadqay Mujhe Kar Do Hazir Yeh Ruqaiya Hai.
Ik Roz Akelay Aana Hai Iss Shehar Mein Tujh Ko Bibi.
Kya Ho Ga Na Jane Shehzadi Abhi Se Badla Howa Kofa Hai.
Shabbar Ka Jigar Shabeer Ka Sar Abbas-e-Jarri Ke Bazu.
Kattay Dekho Gi Aye Baba Ki Pyari Yeh Zakhm Tu Pehla Hai.
Yeh Keh Ke :TAKALLUM: Beti Se Khamosh Hoye They Maula.
Darbar Ke Dar Par Main Aaon Ga Milne Zainab Mera Wadah Hai.
Poet: :Mir Takallum Mir:
Noha Khowan: :Mir Hassan Mir:
Noha Volume: :Mir Hassan Mir 2020-21:
Composition: :Raza Shah:
#ZainabTeraZakhmiBaba
#NohayLyrics
#tajpoint
Zainab Tera Zakhmi Baba Mir Hasan Mir Lyrics Urdu 2021 Write Up Poster Image
