Hussain Dulha Bana Rahay They Waheed Rizvi Lyrics In Urdu and Roman Urdu
حُسینؑ دولہا بنا رہے تھے
Youn Sehra Akbar Ko Bandh Raha Tha Haram Sabhi Rotay Ja Rahe They.
Jawan Betay Ko Waqt-e-Aakhir Hussain Dulha Bana Rahe They.
Chaley Jo Maqtal Ki Samt Akbar Tu Khaimon Mein Tha Kuch Aisa Manzar.
Lipat Ke Rota Hai Koi Jaisay Kissi Janazay Ke Sath Lag Kar.
Youn Ro Ke Akbar Ko Sare Aa Kar Galay Se Apne Laga Rahe They.
Na Wapis Aaye Ga Ran Se Akbar Miley Ga Zakhm Ibn-e-Fatima Ko.
Hussain Kaisay Uthaein Gay Ran Se Lash-e-Humshakal-e-Mustafa Ko.
Najanay Kya Kya Khiyal Dil Mein Hussain Maula Ko Aa Rahe They.
Aye Kash Sughra Behan Jo Hoti Tu Naaz Bhai Ke Woh Uthati.
Saja Ke Akbar Ke Sar Pe Sehra Jo Dil Mein Arman They Batati.
Sakina Ki Baat Sun Ke Akbar Madine Ko Munh Phira Rahe They.
Nazar Hai Zainab Ki Teri Rahoon Pe Apni Maa Ko Na Bhool Jana.
Jabeen-e-Akbar Pe De Ke Bosay Kaha Jo Zainab Ne Jald Aana.
Hussain Oss Waqt Apne Aanso Najanay Kaisay Chupa Rahe They.
Sadaein Ghazi Ko De Rahi Thi Youn Peet Kar Apne Sar Ko Zainab.
Tarap Gayi Dekh Kar Yeh Manzar Tu Roi Thamay Jigar Ko Zainab.
Jab Inna Lillah Parh Ke Akbar Ko Sheh Amama Pinha Rahe They.
Kahan Girey Ho Sadaein Akbar Ko De Ke Maqtal Mein Pochtay They.
Nazar Na Aata Tha Kuch Bhi Noor-e-Nazar Ke Lashay Par Aisay Pohanchay.
Sajaya Tha Jis Ke Sar Pe Sehra Ab Oss Ka Lasha Utha Rahe They.
Nikali Seene Se Sheh Ne Barchi Tu Yaad Sughra Behan Ki Aayi.
Madine Ki Samt Kar Ke Chehra Tab Hichki Akbar Ne Maut Ki Li.
Hussain Sughra Ka Khat Jab Akbar Ko Ro Ke Parh Ke Suna Rahe They.
Woh Aaya Maqtal Mein Shah Zadah Abhi Jo Dulha Bana Howa Tha.
:ASAD: Ossay Mara Kalma Goyon Ne Keh Jo Humshakal-e-Mustafa Tha.
Shabeeh-e-Ahmad Ko Qatal Kar Ke Hussain Ko Sab Rula Rahe They.
Poet: :Asad Ali Asad:
Noha Khuwan: :Waheed Rizvi:
Noha Volume: :Waheed Rizvi 2021-22:
Composition: :Raza Shah:
#HussainDulhaBanaRahayThey
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
