Khud Ko Sambhalo Amma Syed Wajhi Hasan Zaidi Lyrics 2021
Khud Ko Sambhalo Amma Syed Wajhi Hasan Zaidi.
Galay Pe Jis Ghari Chalta Tha Shah Ke Khanjar.
Rakha Tha Fatima Zahra Ne Hath Gardan Par.
Ukharti Sansoon Mein Dekha Jo Sheh Ne Yeh Manzar.
Tarap Ke Kehne Lagay Bas Hussain Ki Madar.
Zibha Hone Do Mujhe Hath Hata Lo Amma.
Aaj Betay Ko Nahi Khud Ko Sanbhalo Amma.
Our Ab Aap Ke Zakhmi Hoye Yeh Hath Agar.
Mujh Pe Chal Jaye Ga Khanjar Se Bhi Pehle Khanjar.
Mera Katney Do Gala Hath Bacha Lo Amma.
Aap Bardasht Na Kar Paein Gi Khoni Manzar.
Bhai Ki Gaud Mein Kat Jaye Ga Iss Bhai Ka Sar.
Zara Abbas Ko Darya Se Bola Lo Amma.
Zair-e-Khanjar Mujhe Mil Paye Ga Ik Pal Na Sakoon.
Aap Ke Chalon Se Behney Na Lagay Aap Ka Khoon.
Zakhmi Hathoon Se Na Ab Teer Nikalo Amma.
Umm-e-Laila Ali Akbar Ke Liye Roti Hai.
Mujh Ko Maloom Hai Kya Maa Ki Tarap Hoti Hai.
Acha Ik Bar Galay Phir Se Laga Lo Amma.
Aaj Tak Aap Ke Kano Ka Lahu Taza Hai.
Aap Ke Bazu Shikasta Hain Yeh Andaza Hai.
Our Apne Ko Aziyat Mein Na Dalo Amma.
Hai Yeh Maloom Muhabbat Mein Meri Aayi Ho.
Zakhm Khaney Ke Liye Phir Se Chali Aayi Ho.
Sar Pe Qatil Hai Khara Khud Ko Chupa Lo Amma.
Aap Ke Sath Hain Nana Bhi Padar Bhi Mere.
Kaisay Aadab Nibhaon Main Qadam Bosi Ke.
Mujh Se Utha Nahi Jata Hai Utha Lo Amma.
Sheh Yeh Kehte They :TAKALLUM: Mera Ik Kam Karo.
Zibha Hotey Hoye Zainab Nahi Dekhey Mujh Ko.
Pardah Maqtal Mein Kissi Tarha Bana Lo Amma.
Poet: :Mir Takallum Mir:
Noha Khowan: :Syed Wajhi Hasan Zaidi:
Noha Volume: :Syed Wajhi Hasan Zaidi 2021-22:
Composition: :Zill e Raza Zaidi:
#KhudKoSambhaloAmma
#NohayLyrics
#tajpoint
New Noha Khud Ko Sambhalo Amma Syed Wajhi Hasan Zaidi
Khud Ko Sambhalo Amma Syed Wajhi Hasan Zaidi Lyrics 2021 Write Up Poster Image
