Hallmin Ki Ik Sada Syed Wajhi Hasan Lyrics 2021
Hallmin Ki Ik Sada Syed Wajhi Hasan
Hal Min Ki Ik Sada Mein Jo Meri Sada Mili.
Sajdah Mila Hussain Miley Karbala Mili.
Woh Nasal Kainat Mein Sab Se Juda Mili.
Maa Jis Ko Parwarish Ke Liye Fatima Mili.
Chaki Mili Hai Fatima Zahra Ke Hath Ki.
Raziq Zamane Bhar Ki Jo Bad Az Khuda Mili.
Ik Baab Kainat Mein Hai Baab-e-Fatima.
Makhlooq Aasmaan Ki Jahan Par Gada Mili.
Sab Hujjaton Pe Aik Hi Hujjat Batool Hai.
Mushkil Kushaon Ki Bhi Jo Mushkil Kusha Mili.
So Bar Kar Ke Aa Chukay Mairaj Ka Safar.
Tab Ja Ke Mustafa Ko Kahin Fatima Mili.
Esa Ke Bhi Naseeb Mein Aisi Dawa Kahan.
Jo Mustafa Ke Zoaf Ko Zair-e-Kisa Mili.
Tu Chand Lafz Our Woh Zahra Ki Rotiyaan.
Qeemat Tujhe Aye Dehar Ke Soray Siwa Mili.
Farsh-e-Azza Uthay Ga Na Mehshar Ke Roz Tak.
Tum Jantay Nahi Issay Kis Ki Dua Mili.
Fitrus Woh Khush Naseeb Hai Iss Dehar Mein Jisay.
Karb-o-Bala Se Pehle Hi Khak-e-Shifa Mili.
Be Sakhta Hussain Ki Chokhat Pe Gir Gaya.
Hur Ko Laga Jabeen Meri Kabay Se Ja Mili.
Matam Ko Dekh Dekh Ke Din Raat Jalta Reh.
Aye Munkir-e-Azza Yeh Tujhe Kya Saza Mili.
Razi Khuda Ko Iss Pe Koi Kis Tarha Karey.
Jis Shaks Se Rasool Ki Dukhtar Khafa Mili.
Aadam Ki Nasal Dekh Yeh Rahib Ki Nasal Hai.
Khalq-e-Khuda Se Khalq-e-Sheh-e-Dein Juda Mili.
:AKBAR: Hain Dono Fatima Zahra Ke Ghar Magar.
Janat Ka Shoq Kab Raha Jab Karbala Mili.
Poet: :Hasnain Akbar:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2021-22:
Composition: :Rajab Ali Khan:
#HallminKiIkSada
#ManqabatLyrics
#tajpoint
Hallmin Ki Ik Sada Syed Wajhi Hasan Lyrics 2021 Write Up Poster Image
