Muntazir Hain Aap Ke Ghulam Al Ajal Imam Mir Hasan Mir Lyrics 2006
Muntazir Hain Aap Ke Ghulam Al Ajal Imam Mir Hasan Mir.
Ho Na Jaye Zindagi Ki Sham Al-Ajal Imam.
Har Taraf Fizaye Zulm Aam Ho Gayi.
Zindagi Bhi Maut Ka Pyam Ho Gayi.
Masjidein Sulag Uthein Tamam Al-Ajal Imam.
Sun Rahe Hain Iss Sadi Mein Aap Aaein Gay.
Taig Our Alam Bhi Sath Sath Laein Gay.
Karbala Ka Lein Gay Inteqam Al-Ajal Imam.
Khana-e-Khuda Bhi Muntazir Hai Aap Ka.
Rah Dekhtey Hain Qudas Our Karbala.
Samarra Se Kijiye Khiram Al-Ajal Imam.
Be Gharon Ko Nemat-e-Makan Ho Atta.
Har Mareez-e-La Dawa Ko Dijiye Shifa.
Hal Hoon Sab Ki Mushkilein Tamam Al-Ajal Imam.
Mimber-e-Hussain Se Khitab Kijiye.
Munkir-e-Azza Ka Ehtesab Kijiye.
Keh Rahe Hain Matami Tamam Al-Ajal Imam.
Woh Bhi Keh Rahe Hain Hum Mohib Hain Aap Ke.
Zikar-e-Shah Jin Ke Karobar Ban Gaye.
Majlison Ke Le Rahein Daam Al-Ajal Imam.
Kar Rahe Hain :MIR: Our :REHAN: Yeh Dua.
Khuld Ki Tarha Banay Mazar-e-Syeda.
Aap Hi Karein Yeh Ahtamam Al-Ajal Imam
Poet: :Rehan Azmi:
Manqabat Khuwan: :Mir Hasan Mir:
Manqabat Volume: :Mir Hasan Mir 2005-06:
#AlAjalImam
#ManqabatLyrics
#tajpoint
Muntazir Hain Aap Ke Ghulam Al Ajal Imam Mir Hasan Mir Lyrics 2006 Write Up Poster Image
![Muntazir Hain Aap Ke Ghulam Al Ajal Imam Mir Hasan Mir Lyrics 2006 1 Muntazir Hain Aap Ke Ghulam Al Ajal Imam Mir Hasan Mir Lyrics 2006](https://tajpoints.com/wp-content/uploads/2024/05/Muntazir-Hain-Aap-Ke-Ghulam-Al-Ajal-Imam-Mir-Hasan-Mir.webp)