Al Ajal Ya Imam Irfan Mehdi Haideri Lyrics In Urdu
العجل یا امامؑ العجل
De Rahe Hain Sada Yeh Ghulam Al-Ajal.
Jaam-o-Meena Se Kab Guftgu Hai Humein.
Saqiya Bas Yehi Justaju Hai Humein.
Tere Dedar Ki Aarzu Hai Humein.
Aaj Peena Yahan Ba Wozu Hai Humein.
Rind Hain Aaj Sab Tashna Kam Al-Ajal.
Gardish-e-Waqt Ke Hum Sataye Hoye.
Bar-e-Furqat Saron Pe Uthaye Hoye.
Josh-e-Nusrat Dilon Mein Dabaye Hoye.
Sare Molai Mehfil Mein Aaye Hoye.
Aap Ko Kar Rahe Hain Salam Al-Ajal.
Zulm Ka Chaar So Garam Bazar Hai.
Jehal Phaila Howa Kufar Sarshar Hai.
Bugz-e-Haider Mein Dunya Giraftar Hai.
Har Taraf Se Aqeedon Pe Yalgar Hai.
Ho Gaya Hai Sabhi Ahtamam Al-Ajal.
Aap Ghaibat Se Jis Din Chaley Aaein Gay.
Sab Muhiban-e-Haider Sakoon Paein Gay.
Ik Ghari Mein Muqadar Badal Jaein Gay.
Ahl-e-Shar Apne Saye Se Ghabraein Gay.
Hoga Qayam Khuda Ka Nizam Al-Ajal.
Dast-e-Zulm Our Nabz Jafa Kaat De.
Qatal-o-Garat Ka Yeh Silsila Kaat De.
Dushmanan-e-Khuda Ka Gala Kaat De.
Har Yazeedi Ko Yeh Barmala Kaat De.
Taig-e-Haider Jo Ho Be Niyam Al-Ajal.
Phir Rahe Hain Khulay Dushmanan-e-Khuda.
Kis Qadar Hain Nadar Baniyan e Jafa.
Hum Pe Hanstay Hain Sab Munkiran-e-Azza.
Ab Tu Aa Jaiye Waris-e-Murtaza.
Khainch Kar Apne Jad Ki Hasaam Al-Ajal.
Na Rasa Ho Na Jaein Duaein Meri.
Tham Na Jaein Labon Pe Sadaein Meri.
Kargar Ab Nahi Hain Duaein Meri.
Iss Arezay Mein Hain Iltijaein Meri.
Kash Pohanchay Mera Yeh Pyam Al-Ajal.
Mere Maula Shab-e-Fajar Dhalti Nahi.
Teergi Yeh Kissi Toor Talti Nahi.
Kuch Ujalay Ki Sorat Nikalti Nahi.
Hum Pareshaan Hain Qismat Badalti Nahi.
Zeest Ka Youn Na Ho Ahtatam Al-Ajal.
Fatway Aate Hain Shabbir Ki Yaad Par.
Matam-o-Majlis-o-Jashan-o-Mailad Par.
Dil Tarapta Hai Jab Hal-e-Barbad Par.
Kyun Na :SHEHWAAR: Mayal Ho Faryad Par.
Mere Maula Ba Sad Ayhteram Al-Ajal.
Poet: :Ahmar Shehwaar:
Manqabat Khowan: :Irfan Mehdi Haideri:
Manqabat Volume: :Irfan Mehdi Haideri 2020-21:
Composition: :Sayyed Zaire Naqvi:
#AlAjalYaImam
#ManqabatLyrics
#tajpoint
