Al Ajal Mola Ali Raza Jafri Lyrics Urdu 2025

Al Ajal Mola Ali Raza Jafri Lyrics Urdu

Kahin Sab Aap Se Rodad, Al-Ajal Maula.
Ghulam Kartay Hain Faryad, Al-Ajal Maula.

Nigah-e-Naaz Ko Jalwaon Ki Pyas Rehti Hai.
Nafas Nafas Tere Aane Ki Aas Rehti Hai.
Tere Beghair Musalsal Jo Yaas Rehti Hai.
Koi Khushi Ho Tabiyat Udas Rehti Hai.
Tere Zahoor Se Ahsas-e-Zindagi Aaye.
Tere Hi Noor Se Aankhon Mein Roshni Aaye.

Hijab-e-Waqt Se Wajh e Khuda Howeda Ho.
Nazar Mein Noor-e-Elahi Ka Phir Sopeda Ho.
Juda Haqeeqat-e-Haroon Our Zubaida Ho.
Bohat Andhera Hai Koi Kiran Tu Paida Ho.
Siyah Raat Se Soraj Ubharne Walay.
Hain Jaan Bulb Shab-e-Furqat Guzarne Walay.

Jo Aankh Di Hai Tu Phir Tab e Aaina Dijay.
Jahan-e-Yaas Mein Umeed-o-Hosla Dijay.
Bhatak Rahe Hain Zamane Mein Kuch Pata Dijay.
Hajoom-e-Ghair Mein Apno Ko Rasta Dijay.
Yeh Shoq-e-Deed Mein Jaan Se Guzar Na Jaein Kahin.
Charhey Hoye Hain Jo Darya Utar Na Jaein Kahin.

Yeh Khak Zaday Hain Teri Amma Mein Aaye Hoye.
Jahan-e-Zulm Mein Parcham Tera Uthaye Hoye.
Wafor e Ranj Mein Dunya Ke Hum Sataye Hoye.
Tere Ghulam Hain Bas Tujh Se Lau Lagaye Hoye.
Jabeen Hai Sajday Mein Izhar-e-Bandagi Ke Liye.
Tera Zahoor Zarori Hai Zindagi Ke Liye.

Ruka Hai Nuqtay Pe Parkar Dairah Ghayab.
Taveel Rah Hai Salar-e-Qafila Ghayab.
Jahan-e-Chashm Se Khuwabon Ka Silsila Ghayab.
Bikhar Gaye Hain Sabhi Rind May Kada Ghayab.
Jigar Ke Dard Ko Aaram Saqiya De De.
Ghazab Ki Pyas Hai Ik Jaam Saqiya De De.

Haseen Aap Hain Phir Husan Ko Chupana Kya.
Balad e Qalb Pe Youn Bijliyaan Girana Kya.
Mata e Ishq Ko Aisay Bhi Aazmana Kya.
Khiyal Kijay Kahey Ga Humein Zamana Kya.
Nafas Ke Taar Hain Muzrab e Bekasi Maula.
Bhula Chukay Hain Sabhi Saz e Nagmagi Maula.

Jahan Mein Hurmat-e-Kirdar Ab Nahi Baqi.
Woh Jins e Ishq Woh Bazar Ab Nahi Baqi.
Tapish Mein Saya-e-Dewar Ab Nahi Baqi.
Azza Tu Hai Woh Azadar Ab Nahi Baqi.
Hussain-e-Asar Tujhe Aa Gahi Bulati Hai.
Ab Al-Ajal Ki Sada Karbala Se Aati Hai.

Jahan Se Nafrat-o-Zulm-o-Fasad Mit Jaye.
Khuda Ke Naam Pe Jhota Jehad Mit Jaye.
Jo Aap Aaein Tu Har Bad Nehad Mit Jaye.
Yazid Khatam Ho Ibn-e-Zayad Mit Jaye.
Ali Ke Lal Ko Hum :SHEHWAAR: Dekhein Gay.
Ossi Ke Hath Mein Sab Zulfiqar Dekhein Gay.

Poet: :Ahmar Shehwaar:
Manqabat Khowan: :Ali Raza Jafri:
Manqabat Volume: :Ali Raza Jafri 2024-25:
Composition: :Sayyed Zaire Naqvi:

#AlAjalMola
#ManqabatLyrics
#tajpoint

New Manqabat Al Ajal Mola Ali Raza Jafri Lyrics Urdu

Musaddas Al Ajal Mola Ali Raza Jafri Lyrics Urdu

Al Ajal Mola Ali Raza Jafri Lyrics Urdu 2025