Mediney Jaun Nadeem Sarwar Lyrics In Urdu and Roman Urdu
مدینے جاؤں یا کرب و بلا مِیں رہ جاؤں
Rehai Pa Ke Jo Zindaan Se Be Watan Aayi.
Yeh Keh Ke Gir Gayi Naqay Se Ro Ke Chilayi.
Ke Mere Haal Pe Roti Hai Ab Tu Tanhai.
Salam Karne Ko Aayi Hai Teri Maa Jayi.
Tu Hi Bata Mere Bhaiyya Kahan Sakoon Paon.
Madine Jaon Ya Karb-o-Bala Mein Reh Jaon.
Sitam Ne Loot Li Ik Din Mein Kainat Meri.
Na Jane Kaisay Basar Ho Gi Ab Hayat Meri.
Na Din Sakon Se Guzrey Ga Ab Na Raat Meri.
Kahan Hain Lal Mere Jo Sunein Gay Baat Meri.
Main Tujh Ko Chor Ke Bhaiyya Kahin Na Jaon Gi.
Main Teri Qabar Ko Apna Watan Banaon Gi.
Main Aik Choti Si Basti Yahin Basaon Gi.
Main Zaireen Ko Pani Tere Pilaon Gi.
Akeli Reh Gayi Atharah Bhaiyon Ki Bahan.
Jo Hota Ghazi Tu Banti Na Bazoon Mein Rasan.
Bataon Kya Ke Jo Pochein Gay Mujh Se Ahl-e-Watan.
Hussain Ko Diya Tum Ne Batao Kaisay Kafan.
Na Koi Tera Yahan Hai Na Koi Mera Wahan.
Sakina Sham Mein Hai Dafan Our Tu Hai Yahan.
Kahan Kahan Kisay Roye Gi Ab Meri Amma.
Na Hoga Ab Kabhi Aabad Fatima Ka Makaan.
Yahan Hai Asghar-e-Besheer Our Wahan Jhola.
Yahan Pe Aoun-o-Muhammad Wahan Pe Abdullah.
Jo Pocha Bachoon Ko Unn Ne Kahon Gi Kya Bhaiyya.
Madina Dil Hai Mera Rooh Meri Karb-o-Bala.
Yahan Hai Qasim-e-Khasta Badan Wahan Kubra.
Yahan Shabeeh-e-Payamber Wahan Pe Hai Sughra.
Wahan Pe Fazal Akela Yahan Pe Sab Kunba.
Jawab Kitne Sawaloon Ka Doon Gi Main Tanha.
Yeh Hath Joor Ke Kehti Hai Teri Maa Jayi.
Duaein De Gi Mere Bhai Meri Tanhai.
Bas Aik Din Ko Mere Sath Chal Mere Bhai.
Lagay Ga Jaisay Madine Mein Phir Bahar Aayi.
Lo Ja Rahi Hai Bahan Alwida Mere Bhai.
Rahi Jo Zindah Tu Phir Aaye Gi Yeh Maa Jayi.
:RAZA: Yeh Suntay Hi Qabar-e-Hussain Tharai.
Phir Iss Ke Baad Kabhi Yeh Sada Nahi Aayi.
Poet: :Raza Sirsivi:
Noha Khuwan: :Nadeem Sarwar:
Noha Volume: :Nadeem Sarwar 2016-17:
Composition: :Nadeem Sarwar:
#MedineyJaun
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
