Nabi Nabi Ho Ga Nadeem Sarwar Lyrics In Urdu 2004
Nabi Nabi Ho Ga Nadeem Sarwar Lyrics
Nabi Nabi Hoga Nabi Nabi Hoga.
Chaman Chaman Hoga Kali Kali Hoga.
Zameen Jab Na Thi Na Aasmaan Koi.
Na Chand Taray They Na Kehkashan Koi.
Haroof Bhi Na They Na Thi Zabaan Koi.
Tha Aisay Aalam Mein Bhi Meharbaan Koi.
Khuda Bas Aisay Mein Yeh Keh Raha Hoga.
Mere Hawalay Se Jo Tazkira Hoga.
Habib Mera Hai Libas-e-Rehmat Mein.
Banai Hai Dunya Issi Ki Chahat Mein.
Sana Issi Ki Hai Kalam-e-Qudrat Mein.
Darood Issi Par Hai Meri Ibadat Mein.
Jo Sakhtiyaan Jhailay Meri Muhabbat Mein.
Shafi-e-Mehshar Bhi Faqat Yehi Hoga.
Woh Mere Bandon Ko Mera Pata De Ga.
Woh Be Saharon Ko Bhi Aasra De Ga.
Woh Zakhm Khaye Ga Magar Dua De Ga.
Issi Ka Kunba Tu Gala Kata De Ga.
Hussain Sab Apne Diye Bhuja De Ga.
Andhera Jab Phailay Woh Roshni Hoga.
Nabi Ka Roza Hai Hamarey Seeno Mein.
Hasen-o-Yakta Hai Woh Sab Haseeno Mein.
Issi Ka Charcha Hai Falak Nasheeno Mein.
Jali Hai Naam Iska Sabhi Sahefon Mein.
Likha Hai Naam Iska Sabhi Safeno Mein.
Ab Hum Ko Tofaan Se Na Dar Koi Hoga.
Duaein Kartay Hain Tere Waseelay Se.
Mareez Jitnay Hain Unhein Shifa Deday.
Nabi Ke Sadqay Mein Yeh Martaba Deday.
Yaqeen Ki Manzil Ka Tu Rasta Deday.
Nabi Ke Bachoon Ki Tu Khak-e-Pa Deday.
Kahan Tere Jaisa Koi Sakhi Hoga.
Nabi Ne Manga Tha Khuda Se Ik Nasir.
Ali Ki Sorat Mein Howa Hai Woh Zahir.
Nabi Ne Jab Chaha Ali Hoye Hazir.
Ali Ki Midhat Se Zaban Hai Qasir.
Ali Sar-e-Mimber Saloni Ka Zakir.
Jahan Nabi Hoon Gay Wahan Ali Hoga.
Ali Ko Bakhsha Hai Khuda Ne Kya Rutba.
Nabi Sa Bhai Hai Batool Si Zojah.
Ali Nazar Aaya Ali Ka Har Beta.
Nabi Ki Hikmat Ka Ali Hai Darwaza.
Na Dosra Haider Na Dosra Kaba.
Na Ho Saka Pehle Na Ab Kabhi Hoga.
Woh Asar-e-Ashora Ali Ka Ik Beta.
Rasool They Jis Se Rasool Se Jo Tha.
Tamam Lashon Ko Uthata Tha Tanha.
Jo Zair-e-Khanjar Yeh Biyan Deta Tha.
Rahe Ga Dein Ab Tu Hamarey Nana Ka.
Zameen-e-Maqtal Par Likha Yehi Hoga.
Ali Ke Kunbay Par Sitam Hoye Kya Kya.
Kahin Jalay Khaimay Kahin Luta Pardah.
Kahin Katay Bazu Kahin Chida Seena.
Kissi Ka Maqtal Mein Bikhar Gaya Lasha.
Yeh Zulm Dekha Tu Khuda Pukar Utha.
Hussain Jo Keh De Sada Wohi Hoga.
Khiyal Aata Hai :REHAN: Our :SARWAR:.
Bala Ki Garmi Mein Jab Aik Pyasay Par.
Chala Raha Hoga Laeen Jab Khanjar.
Tarap Rahi Hogi Hussain Ki Khwahar.
Sada Magar Hogi Hussain Ke Lab Par.
Nabi Nabi Hoga Ali Ali Hoga.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2003-04:
#NabiNabiHoGa
#NohayLyrics
#tajpoint
Nabi Nabi Ho Ga Nadeem Sarwar Lyrics Old Noha
Nabi Nabi Ho Ga Nadeem Sarwar Lyrics Urdu
Nabi Nabi Ho Ga Nadeem Sarwar Lyrics In Urdu 2004 Write Up Poster Image
