Ali Mola Humara Ali Aaqa Hamara Nadeem Sarwar Lyrics Urdu 1992
Ali Mola Humara Ali Aaqa Hamara Nadeem Sarwar.
Hai Sab Ka Yeh Narah Ali Maula Hamara Ali Aaqa Hamara.
Koi Rabia Basri Tu Koi Lal Qalandar.
Koi Bo Ali Shah Hai Tu Koi Hum Sa Hussaini.
Seeno Ki Taraf Hath Jo Matam Ko Uthay Hain.
Rishta Kissi Mazloom Se Yeh Joor Rahe Hain.
Yeh Munkir-e-Matam Ki Kamar Toor Rahe Hain.
Yeh Matami Dastay Nahi Haider Ka Hai Lashkar.
Tareekh Ke Oraaq Ke Munh Mein Jo Zabaan Doon.
Jo Narah-e-Haider Ki Fazeelat Hai Bata Doon.
Woh Marka Khaybar Ka Tumhein Yaad Dila Doon.
Mushkil Mein Jo Ik Bar Pukarey They Payamber.
Narey Tu Bohat Our Bhi Logon Ne Lagaye.
Narah Koi Aisa Na Tha Khaybar Jo Hilaye.
Bas Narah-e-Haider Mein Woh Aousaf Hain Sare.
Doba Howa Soraj Bhi Nikalta Hai Ubhar Kar.
Aao Dar-e-Haider Ki Taraf Sorat-e-Qanbar.
Iss Dar Ki Jabeen Sayi Banati Hai Qalandar.
Salmaan Yahin Bantay Hain Yahin Meesum-o-Buzar.
Yeh Dar Tu Badal Deta Hai Hur Ka Bhi Muqadar.
Hoti Hai Yahan Aa Ke Yeh Haq Baat Mukamal.
Sach Baat Kahey Jao Hama Waqt Musalsal.
Sach Baat Ko Manein Gay Sabhi Aaj Nahi Kal.
Bas Nam-e-Ali Wird Karo Misal-e-Qalandar.
Girtay Hoye Logon Ko Yeh Maidaan Mein Utha Dein.
Quraan Ki Zabaan Bolna Pathar Ko Sikha Dein.
Tofan Ka Rukh Moor Dein Aandhi Ko Bhaga Dein.
Yeh Jam-e-Shahadat Peein Qatil Ko Jaga Kar.
Dar Kabay Ki Dewar Mein Qudrat Ne Kiya Ho.
But Kabay Mein Rakhay Hoye Jo Toor Raha Ho.
ALLAH Ka Ghar Jis Ka Zacha Khana Bana Ho.
Sab Mil Ke Lagatay Raho Ab Kabay Ka Chakar.
Man Kuntu Kahin Jis Ko Nabi Shaks Woh Kya Hai.
Aaqa Wohi Maula Hai Wohi Haq Ki Sada Hai.
Maula Woh Hamara Hai Nuseri Ka Khuda Hai.
Aousaf Kissi Mein Nahi Haider Ke Barabar.
Haider Ke Ghulamo Ko Guzarna Ho Jidhar Se.
Tofan Bhi Rukh Moor Ke Chalte Hain Udhar Se.
Dekhey Koi Haider Ko Payamber Ki Nazar Se.
Paida Na Howa Shair-e-Khuda Ka Koi Humsar.
Hijrat Ki Woh Shab Ghaat Lagaye Hoye Dushman.
Mehboob-e-Khuda Kaisay Bana Saktay Hain Daman.
Par Sorat-e-Haider Mein Diya Aik Hai Roshan.
Lo So Gaye Ban Ke Woh Muhammad Sar-e-Bistar.
Islam Pe Sar Mango Tu Hum Sar Tumhein Dein Gay.
Ik Sar Ki Zarorat Ho Bahatar Tumhein Dein Gay.
Farzand-e-Ali Ki Tarha Hum Ghar Tumhein Dein Gay.
Hum Sab Hain Ghulam Oss Ke Jo Hai Saqi-e-Kausar.
Jo Taig Talay Sajda-e-Mabood Mein Sar Ho.
Maut Aaye Gi Sajday Mein Jisay Yeh Bhi Khabar Ho.
Masroof-e-Boka Oss Liye Kyun Na Bashar Ho.
Woh Jis Ne Na Chalne Diya Islam Pe Khanjar.
Woh Bazu-e-Abbas Jo Katay Gaye Ran Mein.
Woh Teer Jo Paiwast Hain Sarwar Ke Badan Mein.
Doori Hoi Pardais Mein Jab Bhai Behan Mein.
Marqad Mein Boka Kartay They Woh Khak Ura Kar.
Woh Asar Ka Hangam Woh Shabeer Ka Sajdah.
Woh Pyas Woh Garmi Woh Chamakta Howa Darya.
Uth Uth Ke Woh Girta Howa Ik Khaimay Ka Pardah.
Aati Thi Dar-e-Khaima Se Aawaz Barabar.
:REHAN: Meri Aankh Se Behtay Hoye Aanso.
Hain Rah-e-Sadaqat Mein Chamaktay Hoye Jugnu.
Matam Ki Sada Nohay Ki Aawaz Har Aik So.
Haider Ke Ghulamo Ne Hi Phailayi Hai :SARWAR:.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1991-92:
#AliMolaHumaraAliAaqaHamara
#NohayLyrics
#tajpoint
Old Noha Ali Mola Humara Ali Aaqa Hamara Nadeem Sarwar
Ali Mola Humara Ali Aaqa Hamara Nadeem Sarwar Ôld Noha Lyrics
Ali Mola Humara Ali Aaqa Hamara Nadeem Sarwar Write Up
Ali Mola Humara Ali Aaqa Hamara Nadeem Sarwar Lyrics Urdu 1992 Write Up Poster Image
![Ali Mola Humara Ali Aaqa Hamara Nadeem Sarwar Lyrics Urdu 1992 1 Ali Mola Humara Ali Aaqa Hamara Nadeem Sarwar Lyrics Urdu 1992](https://tajpoints.com/wp-content/uploads/2024/05/Ali-Mola-Humara-Ali-Aaqa-Hamara-Nadeem-Sarwar.webp)