Sab Ko Dhoka Hai Aa Raha Hoon Main Lyrics 2023
Sab Ko Dhoka Hai Aa Raha Hoon Main
Aa Raha Hoon Na Ja Raha Hoon Main.
Khokhala Hota Ja Raha Hai Wajood.
Khud Ko Andar Se Kha Raha Hoon Main.
Jis Se Milna Hai Jaisay Matlab Ka.
Waisa Chehra Bana Raha Hoon Main.
Mujh Se Miliye Tu Yeh Khiyal Rahe.
Aap Ke Kam Aa Raha Hoon Main.
Taiz Ro Sansein Sust Ro Dharkan.
Darmiyaan Larkhara Raha Hoon Main.
Bolta Ja Raha Hai Dil Mein Koi.
Dair Se Sunta Ja Raha Hoon Main.
Nafs-e-Sarkash Pe Kar Raha Hoon Kam.
Janwar Ko Sadha Raha Hoon Main.
Jhankta Phir Raha Hoon Logon Mein.
Jaisay Dunya Chala Raha Hoon Main.
Jab Makeen Ghar Ke Sare Andhay Hain.
Kis Ko Kis Se Chupa Raha Hoon Main.
Jane Kiya Khal-o-Khad Hoye :AKBAR:.
Aainay Toray Ja Raha Hoon Main.
Poet: :Hasnain Akbar:
#SabKoDhokaHai
#GhazalLyrics
#tajpoint
Sab Ko Dhoka Hai Aa Raha Hoon Main Lyrics 2023 Write Up Poster Image
