Haye Mere Hussain Azadar e Batool Lyrics In Urdu and Roman Urdu
ہائے مِرے حُسینؑ
Ik Hath Apne Zakhmi Pehlu Se Haye Hata Kar.
Seene Se Apne Lasha Mazloom Ka Laga Kar.
Karti Thin Bain Zahra Maqtal Mein Khak Ura Kar.
Sehra Mein Tujh Ko Mara Lakhon Ne Hai Sata Kar Haye Mere Hussain.
Koi Teer Marta Tha Koi Neza Koi Pathar Haye Mere Hussain.
Mere Lal Tu Ne Meri Chori Hai Qabar Jab Se.
Meri Rooh Humsafar Hai Tere Sath Sath Tab Se.
Maqtal Mein Tere Tujh Ko Tanha Main Choron Kyunkar Haye Mere Hussain.
Zakhmo Se Choor Sara Mazloom Ka Badan Tha.
Garmi Mein Khon Se Tar Pyasay Ka Pairhan Tha.
Pani Nahi Pilaya Kissi Ne Bhi Tujh Ko Aa Kar Haye Mere Hussain.
Aye Maa Ke Dil Ki Thandak Gham Kha Gaya Yeh Tera.
Manzar Yeh Dekhtey Hi Dil Phat Gaya Tha Mera.
Jab Teer Ik Laeen Ne Mara Tha Tere Dil Par Haye Mere Hussain.
Sar Peetti Rahi Main Pehlu Se Hath Utha Ke.
Jab Ik Shaqi Ne Tere Pehlu Ke Pas Aa Ke.
Pehlu Mein Tere Naiza Mara Tujhey Rula Kar Haye Mere Hussain.
Maqtal Se Door Tujh Ko Wahan Zeen Se Giraya.
Our Baloon Se Pakar Kar Yahan Shimar Le Ke Aaya.
Roye Kahan Kahan Par Tujhey Ja Ke Teri Madar Haye Mere Hussain.
Betay Ko Zibha Hota Kab Maa Hai Dekh Sakti.
Khanjar Rawaan Tujh Par Our Main Bhi Thi Tarapti.
Maa Ne Bhi Apni Gardan Rakhi Thi Zair-e-Khanjar Haye Mere Hussain.
Zainab Ke Sath Main Bhi Sehra Mein Ro Rahi Thi.
Jab Lash Teri Ran Mein Pamal Ho Rahi Thi.
Doraye Shamiyon Ne Ghorey Tere Badan Par Haye Mere Hussain.
Maa Dekhti Thi Beta Jab Zeen Se Gira Tha.
Paon Rakab Mein Ik Tera Ulajh Gaya Tha.
Roka Tha Murtajiz Ko Main Ne Bagon Se Pakar Kar Haye Mere Hussain.
Peshani Bhi Hai Zakhmi Abro Talak Katay Hain.
Rukhsaron Ki Tarha Se Tere Hont Bhi Phatay Hain.
Dandan Bhi Hain Totay Munh Sara Khoon Se Hai Tar Haye Mere Hussain.
Kurta :ASAD: Pisar Ka Mehshar Mein Laein Gi Jab.
Khaliq Ko Khon Sheh Ka Zahra Dikhaein Gi Jab.
Mehshar Mein Ho Ga Mehshar Jab Woh Kahin Gi Ro Kar Haye Mere Hussain.
Poet: :Asad Ali Asad:
Noha Khuwan: :Azadar e Batool:
Noha Volume: :Azadar e Batool 2023-24:
Composition: :Raza Shah:
#HayeMereHussain
#NohayLyrics
#tajpoint
