Jao Ay Zuljanah Syed Mohammad Shah Lyrics In Urdu and Roman Urdu
جاؤ اے ذوالجناح
Kar Ke Humein Khuda Ke Hawalay Aye Zuljinah.
Khaimon Mein Ja Ke Gham Na Kissi Ka Barhaiyo.
Kaisay Main Teri Zeen Se Utra Chupaiyo.
Teeron Ne Kaisay Ghaira Na Hargiz Bataiyo.
Dena Meri Behan Ko Dilasay Aye Zuljinah.
Bachpan Se Apna Sath Raha Aaj Ke Liye.
Chadar Mein Thi Khilayi Giza Aaj Ke Liye.
Tujh Ko Tha Meri Maa Ne Chuna Aaj Ke Liye.
Aa Pohanchay Ab Judai Ke Lamhey Aye Zuljinah.
Aankhon Mein Bhar Ke Aakhri Dedar Le Ke Ja.
Sajjad Ke Liye Meri Dastar Le Ke Ja.
Ab Jang Khatam Ho Gayi Talwar Le Ke Ja.
Sab Hain Yahan Yeh Lootney Walay Aye Zuljinah.
Dil Ka Ik Our Dard Sunata Hoon Main Tujhey.
Aaye Woh Waqt Jab Ke Tu Ayelan Yeh Sunay.
Loto Tabarkaat Ali-o-Batool Ke.
Chadar Meri Behan Ki Bacha Le Aye Zuljinah.
Jao Tumharey Sabar Se Aagay Ki Baat Hai.
Taskeen Mere Dil Ki Jo Zahra Sifaat Hai.
Gham Jis Ke Hain Zyada Tu Thori Hayat Hai.
Khaye Gi Woh Sakina Tamachay Aye Zuljinah.
Ab Tere Imtehan Ka Qissa Tamam Hai.
Maqtal Mein Zair-e-Taig Jo Sajday Ka Kam Hai.
Ab Oss Pe Mere Sath Meri Maa Ka Naam Hai.
Sajday Ke Bas Yehi Hain Taqazay Aye Zuljinah.
Aye Jaan Nisar Teri Wafa Ke Jahan Nisar.
Tu Ik Bachaney Wala Tu Zalim Kayi Hazar.
Our Oss Pe Fikar Bacn Gayi Yeh Mere Dil Ka Bar.
Meri Tarha Ho Tum Bhi Tu Pyasay Aye Zuljinah.
Al-Qissa :JAUN: Sheh Ne Kaha Aspay Bawafa.
Teri Tarap Samajh Nahi Saktay Yeh Ba Khuda.
Hoon Gay Na Baaz Qatal Se Mere Yeh Ashqiya.
Kab Tak Yeh Teer Rook Sako Gay Aye Zuljinah.
Poet: :Madad Ali Jaun:
Noha Khohwan: :Syed Muhammad Shah:
Noha Volume: :Syed Muhammad Shah 2023-24:
Composition: :Raza Shah:
#JaoAyZuljanah
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
