Sakina Par Salaam Qamar Baltistani Lyrics In Urdu and Roman Urdu
سکینہؑ پر سلام
Ibn-e-Zahra Gaib Mein Parh Rahe Hain Marsiya Oss Sakina Par Salam.
Jis Ki Cheeni Baliyaan Jis Ka Daman Bhi Jala Oss Sakina Par Salam.
Mashk Dikhla Kar Jisay Hay Khoob Tarsaya Gaya.
Pani Manga Oss Ne Jab Bhi Har Ghari Mara Gaya.
Karbala Se Sham Tak Khushk Tha Jis Ka Gala Oss Sakina Par Salam.
Bad-e-Ashora Sabhi Bachay They Godi Mein Magar.
Aik Thi Nanhi Sakina Jis Ko Bandha Aount Par.
Jo Badan Zakhmi Howa Khoon Bhara Kurta Howa Oss Sakina Par Salam.
Baal Khainchay, Marey Durray Baad Baba Ke Jissay.
Iss Qadar Marey Tamachay Gaal Neelay Ho Gaye.
Baba Kehti Thi Kabhi Our Kehti Thi Chacha Oss Sakina Par Salam.
Chaar Sala Sin Mein Kaisay Yeh Zaeefa Ho Gayi.
Zulm Itna Ho Raha Tha Keh Kamar Jhukney Lagi.
Zulm Itna Dekh Kar Keh Uthi Khud Fatima Oss Sakina Par Salam.
Aik Rasi Mein Bandha Tha Ahl-e-Gham Ka Qafila.
Haye Chalti Kis Tarha Se Jis Ka Jakra Tha Gala.
Apne Panjon Par Safar Jis Ne Sara Tey Kiya Oss Sakina Par Salam.
Bhaiyon Ke Aasrey Par Woh Chali Thi Karbala.
Kya Muqadar Tha Keh Ik Bhai Ko Naiza Lag Gaya.
Ik Ka Bistar Jal Gaya Ik Ka Jhola Jal Gaya Oss Sakina Par Salam.
Aaj Bhi Roney Ki Aati Hai Sada Zindan Se.
Ab Talak Zakhmi Badan Hai Khoon Hai Jari Kan Se.
Keh Rahi Hai Al-Ajal Aaj Bhi Jo Ba Khuda Oss Sakina Par Salam.
Roza-e-Shabeer Se Aayi Sada-e-Marhaba.
Roza-e-Abbas Se Abbas Detey They Dua.
Jab Yeh :FAZIL: Ne Likha Jab :QAMAR: Ne Yeh Parha Oss Sakina Par Salam.
Poet: :Maulana Mujtaba Banani Fazil:
Noha Khuwan: :Qamar Baltistani:
Noha Volum: :Qamar Baltistani 2023-24:
Soz: :Syed Sajid Jafri:
#SakinaParSalaam
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
