Sakina Reh Gai Zindaan Main Syed Raza Abbas 2023

Sakina Reh Gai Zindaan Main Syed Raza Abbas Zaidi

Sakina Reh Gayi Zindan Mein Bhai Bata Dena.

Jab Ahl-e-Haram Ne Sham Ke Zindaan Se Rehai Payi.
Sajjad Tarap Ke Kehne Lagay Jab Yaad Sakina Aayi.
Tum Kaisay Raho Gi Zindaan Mein Aye Baba Ki Shedayi.
Itna Tu Bata Do Sughra Ko Kya Ja Ke Bataye Bhai.
Suna Jab Naam Sughra Ka Sada Aayi Suno Bhaiyya.
Laga Hai Khon Jis Par Woh Marey Gohar Dikha Dena.

Suno Bhaiyya Shikayat Hai Mujhe Inn Sham Walon Se.
Kabhi Durray Lagaye Hain Kabhi Khaincha Hai Baloon Se.
Tamachay Itnay Khaye Hain Lahu Behta Hai Galon Se.
Bohat Acha Howa Bhaiyya Watan Mein Reh Gayi Sughra.
Kabhi Woh Sham Na Aaye Ossay Meri Dua Dena.

Humein Ahl-e-Sitam Jab Bhi Sar-e-Bazar Latay They.
Hamari Be Basi Ka Woh Tamasha Youn Dikhatay They.
Chacha Ka Sar Giranay Ke Liye Mujh Ko Giratay They.
Chacha Ke Pas Jane Par Zameen Se Sar Uthane Par.
Bohat Mara Laeeno Ne Yeh Sughra Ko Bata Dena.

Kahin Dekhi Nahi Aisi Muhabbat Baap Beti Mein.
Mujhe Darbar Mein Manga Gaya Jis Dam Kaneezi Mein.
Dilasa Mujh Ko Deney Aa Gaya Sar Meri Godi Mein.
Mujhe Hakim Ne Jab Dekha Yeh Keh Kar Shimar Ko Bhaija.
Chura Kar Baap Ka Sar Taziyano Ki Saza Dena.

Mujhe Darbar Mein Baba Se Aisay Bhi Milaya Tha.
Sitamgar Samne Khurmay Ka Jab Ik Tasht Laya Tha.
Main Kitna Roi Thi Jab Tasht Se Kapra Hataya Tha.
Wahan Khurmay Nahi Sar Tha Bata Dena Ossay Bhaiyya.
Woh Roye Tu Meri Ghurbat Ka Oss Ko Wasta Dena.

Koi Beti Na Dekhey Ran Mein Dekha Main Ne Jo Manzar.
Gayi Lashon Se Takratay Hoye Baba Ke Lashay Par.
Kati Ungli Badan Mein Teer Dekhey Kat Chuka Tha Sar.
Nishaan Teeron Ke Aye Bhaiyya Na Dekhey Fatima Sughra.
Padar Ka Khoon Bhara Kurta Watan Ja Kar Chupa Dena.

Sakina Janti Hai Kaisay Dekha Zakhm Seene Par.
Ossay Kaisay Batao Gay Nahi Aaye Ali Akbar.
Behan Mar Jaye Gi Bhai Ke Marne Ki Khabar Sun Kar.
Bohat Hasas Hai Sughra Galay Se Tum Laga Lena.
Tera Main Bhi Tu Bhai Hoon Yeh Keh Kar Hosla Dena.

Chaley Abid Tu :ZEESHAN:-o-:RAZA: Aawaz Yeh Aayi.
Watan Jate Hoye Jab Karbala Jana Merey Bhai.
Merey Ammo Se Keh Dena Sakina Mar Gayi Pyasi.
Nahi Pani Ka Gham Haye Chacha Tum Kyun Nahi Aaye.
Andheri Qaid Mein Ro Ro Ke Maut Aayi Bata Dena.

Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2023-24:
Composition: :Syed Raza Abbas Zaidi:

#SakinaRehGaiZindaanMain
#NohayLyrics
#tajpoint

New Noha Sakina Reh Gai Zindaan Main Syed Raza Abbas Zaidi

Sakina Reh Gai Zindaan Main Syed Raza Abbas

Sakina Reh Gai Zindaan Main Syed Raza Abbas Zaidi 2023

Sakina Reh Gai Zindaan Main Syed Raza Abbas 2023