Suno Hilal Suno Mesum Abbas Lyrics In Urdu
سُنو ہلال سُنو
Nazar Mein Le Ke Bahatar Shahadaton Ka Nizam.
Hilal Se Shab-e-Ashor Keh Rahe Hain Imam.
Lahu Mein Dobi Hoi Dastaan Sunatay Hain.
Hilal Aao Tumhein Karbala Dikhatay Hain.
Shahadaton Ka Yeh Ik Silsila Hai Ba Tarteeb.
Banay Gi Kal Issi Maqtal Ki Khak Sab Ka Naseeb.
Na Dekh Pao Gay Jo Waqt Aa Raha Hai Qareeb.
Shaheed Hoon Gay Yahan Jaun Our Zohair-o-Habib.
Palat Ke Aaye Ga Koi Bara-e-Qurbani.
Tumhein Khabar Hai Kayi Din Se Band Hai Pani.
Ada Karein Gay Bhala Kaisay Haq-e-Mehmani.
Yahan Pe Khon Mein Dobay Gi Hur Ki Peshani.
Woh Lal Jo Humein Lagtay Hain Jan Se Pyaray.
Karein Gay Jang Yahin Teen Roz Ke Pyasay.
Lahu Lahu Nazar Aaein Gay Gaud Ke Palay.
Shaheed Hoon Gay Yahan Nonehal Zainab Ke.
Biyaan Shahadat-e-Qasim Ka Ab Karein Kaisay.
Na Baaz Aaein Gay Ik Zulm Par Jafa Walay.
Bhagaye Jaein Gay Oss Jism-e-Naaz Par Ghorey.
Simat Na Paein Gay Pamal Lash Ke Tukray.
Ajeeb Zakhm-e-Jigar Hai Yeh Ranj-o-Gham Ki Asas.
Rahe Ga Kaun Madadgar Ab Hussain Ke Pas.
Humein Zaeef Kiye Ja Raha Hai Yeh Ahsas.
Na Kal Furat Se Aaein Gay Laut Kar Abbas.
Lahu Bharay Hoye Mashk-o-Alam Jab Aaein Gay.
Kamar Pakar Ke Sar-e-Dasht Baith Jaein Gay.
Phir Aisa Qowat-e-Bazu Kahan Se Laein Gay.
Beghair Bhai Ke Khaimay Mein Laut Aaein Gay.
Hamara Lal Jo Akbar Hai Mustafa Jaisa.
Sinan e Zulm Woh Apne Jigar Pe Khaye Ga.
Nazar Ke Samne Ho Ga Jawan Ka Lasha.
Ajeeb Waqt Mein Aaye Ga Qasid-e-Sughra.
Yahan Pe Ho Ga Sitam Aisa Aik Bachay Par.
Zameen-o-Arsh Bhi Ho Jaein Jis Pe Zair-o-Zabar.
Tum Hi Batao Ke Hum Baap Hain Kahin Kyun Kar.
Yeh Woh Jagah Hai Jahan Ho Gi Turbat-e-Asghar.
Tasawarrat Mein Ja Kar Zara Udhar Dekho.
Namaz-e-Asar Ke Manzar Ko Ik Nazar Dekho.
Nashaib Mein Tah e Khanjar Hamara Sar Dekho.
Jo Dekh Pao Tu Zahra Ko Noha Gar Dekho.
Jahan Pe Khud Koi Mazloom Apni Baat Karey.
Har Aik Lafz Pe Aankhon Se Behar-e-Ashk Bahey.
Parhey Tu Kis Tarha :MESUM:, :KALEEM: Kaisay Likhe.
Bayaz-e-Gham Hain Musalsal Hussain Ke Fikray.
Poet: :Kaleem Asghar Bijnori:
Noha Khuwan: :Mesum Abbas:
Noha Volume: :Mesum Abbas 2023-24:
Composition: :Mesum Abbas:
#SunoHilalSuno
#NohayLyrics
#tajpoint