Abbas Ka Lasha Liye Syed Ali Yazdaan Lyrics Urdu 2024
Abbas Ka Lasha Liye Syed Ali Yazdaan
Ro Rahe Hain Shah-e-Dein Abbas Ka Lasha Liye.
Reh Gayi Bali Sakina Hath Mein Koza Liye.
Bachoon Ki Pyasi Nigahein Door Tak Chalti Rahein.
Jab Gaya Tha Bawafa Darya Pe Mashkeza Liye.
Aye Hussain Ibn-e-Ali Ki Maa Zara Dekho Idhar.
Aaye Hain Abbas Bazuon Ka Nazrana Liye.
Sheh Ki Aankhein Keh Rahi Thin Lasha-e-Abbas Par.
Chal Diya Bhai Wafa Ka Sara Sarmaya Liye.
Tum Tu Darya Par Gaye They Aye Sakina Ke Chacha.
Kya Howa Kyun Laute Ho Tum Khon Ka Darya Liye.
Zainab-e-Dilgeer Ab Abbas Banna Hai Tumhein.
Pehra Dena Hai Tumhein Toota Howa Neza Liye.
Dar Badar Phirti Hain Behnein Aye Alamdar-e-Hussain.
Laut Aao Zainab-o-Kulsoom Ka Pardah Liye.
Mar Gaye Abbas, Zainab Ab Tu Tum Kar Lo Yaqeen.
Aa Rahe Hain Dekh Lo Tooti Kamar Maula Liye.
Dekhiye, Kab Shahzadi Inn Ko Karti Hain Qabool.
Hai :MUSSADIQ: Muntazir Ashkon Ka Nazrana Liye.
Poet: :Mussadiq Lakhani:
Noha Khuwan: :Syed Ali Yazdaan:
Noha Volume: :Syed Ali Yazdaan 2024-25:
Composition: :Syed Ali Yazdaan:
#AbbasKaLasha
#NohayLyrics
#tajpoint
Abbas Ka Lasha Liye Syed Ali Yazdaan Lyrics Urdu 2024 Write Up Poster Image
