Acha Hua Sughra Mir Hasan Mir Lyrics Urdu 2012
Acha Hua Sughra Mir Hasan Mir
Jab Ahl-e-Haram Aaye Madine Mein Palat Kar.
Sughra Se Kaha Sani-e-Zahra Ne Lipat Kar.
Acha Howa Sughra Tu Mere Sath Nahi Thi.
Zainab Ka Tha Noha Hum Lut Gaye Sughra.
Haye Iss Baat Pe Karti Hoon Ada Shukar Ka Sajdah.
Hum Mein Se Kissi Ka Tu Salamat Raha Pardah.
Aray Kis Tarha Bataon Tujhe Dil Phatta Hai Mera.
Sadaat Ki Ghairat Ka Taqaza Nahi Sughra.
Bas Itna Hi Kehti Hoon Rida Ab Keh Chini Thi.
Haye Tu Pochti Hai Surkh Hai Kyun Aap Ki Chadar.
Aa Tujh Ko Bataon Mere Mazloom Ki Dukhtar.
Jab Khaimay Mein Sheh Laye They Lash-e-Ali Akbar.
Main Aisay Giri Lash Ke Pehlu Mein Tarap Kar.
Akbar Ke Lahu Se Yeh Rida Surkh Hoi Thi.
Haye Kis Tarha Rahi Ho Gi Tu Iss Ghar Mein Akeli.
Ahsas Mujhe Hai Tere Iss Dard Ka Beti.
Lekin Tu Zaeefa Hoi Furqat Mein Padar Ki.
Tujh Ko Tu Khabar Sirf Shahadat Ki Hai Pohanchi.
Main Sheh Ka Gala Kattay Hoye Dekh Rahi Thi.
Haye Kya Bugz Hai Baba Se Musalmano Ko Jane.
Aray Phir Aaye They Ghar Fatima Zahra Ka Jalanay.
Sab Aa Ke Kharey Ho Gaye Bekas Ke Sirhaney.
Aray Oss Waqt Sitamgaron Se Abid Ko Bachaney.
Beti Phophi Amma Teri Sholon Pe Chali Thi.
Haye Tanhai Mein Le Ja Ke Kabhi Pochna Maa Se.
Kis Tarha Se Guzri Teri Maa Behnein Wahan Se.
Batein Jahan Sab Kartay Hain Pathar Ki Zabaan Se.
Aray Shab Ko Bhi Guzarna Bara Mushkil Hai Jahan Se.
Be Pardah Wahan Din Mein Har Ik Bibi Khari Thi.
Haye Aray Nana Ka Madina Hai Nahi Khof Kissi Ka.
Dil Khol Ke Ro Kaun Tujhe Marey Ga Durrah.
Aray Lekin Kabhi Baba Pe Jo Roti Thi Sakina.
Saili Kabhi Durrah Kabhi Khati Thi Tamacha.
Aray Roney Pe Bhi Masoom Ke Pabandi Lagi Thi.
Haye Aye :MIR TAKALLUM: Woh Qayamat Thi Qayamat.
Zainab Ne Sunai Jo Sakina Ki Shahadat.
Aray Sadaat Pe Sughra Tha Ajab Alam-e-Ghurbat.
Zindaan Ke Andherey Mein Banai Gayi Turbat.
Dam Torti Bachi Ne Bhi Yeh Baat Kahi Thi.
Istefada Radeef: :Janab Arif Bhagarvi – India:
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2011-12:
#AchaHuaSughra
#NohayLyrics
#tajpoint
New Noha Acha Hua Sughra Mir Hasan Mir
Acha Hua Sughra Mir Hasan Mir Lyrics Urdu 2012 Write Up Poster Image
