Rukhsat e Hussain Mehdi Rizvi Lyrics Urdu 2025
Rukhsat e Hussain Mehdi Rizvi Lyrics
Maqtal Mein Tanha Reh Gaya Beta Batool Ka.
Our Koi Bhi Sahara Na Shabbir Ka Bacha.
Rukhsat Behan Se Lainay Ko Bhai Jab Aa Gaya.
Phir Chom Kar Behan Ki Rida Shah Ne Kaha.
Karta Hoon Main Khuda Ke Hawalay Tumhein Behan.
Wadah Nibhanay Jana Hai Apna Humein Behan.
Bahir Behan Ke Khaimay Se Nikla Ali Ka Lal.
Phir Charon Simt Dekh Ke Roya Ali Ka Lal.
De Kar Sada Yeh Ghazi Se Bola Ali Ka Lal.
Kaisay Sawar Ho? Hai Akela Ali Ka Lal.
Karne Sawar Koi Na Aaya Hussain Ko.
Behno Ne Phir Sawar Karaya Hussain Ko.
Pehle Lagam Ghorey Ki Thami Hussain Ne.
Phir Wajah Oss Ke Rukne Ki Pochi Hussain Ne.
Ab Jo Nazar Zameen Pe Dali Hussain Ne.
Faryad Karti Bachi Yeh Dekhi Hussain Ne.
Apne Qadam Na Aagay Barhao Aye Zuljinah.
Baba Ko Mere Le Ke Na Jao Aye Zuljinah.
Kar Ke Hawalay Beti Ko Zainab Ke Phir Chaley.
Le Kar Ali Naam Shah-e-Karbala Laray.
Lartay Hoye Hussain Zameen Par Jo Gir Paray.
Charon Taraf Se Marne Kuffar Aa Gaye.
Jo Khali Hath Marne Aaya Hussain Ko.
Oss Ne Tamachay Marey Hain Maula Hussain Ko.
Zakhmi Hussain Aisay Chaley Qatal Ga Tak.
Uthay Kabhi Zameen Pe Girey Qatal Ga Tak.
Ghazi Ka Naam Letey Rahe Qatal Ga Tak.
Hay Ghutniyon Ke Bal Hain Gaye Qatal Ga Tak.
Qadmo Mein Jan Our Na Aankhon Mein Noor Tha.
Zakhmo Se Sheh Ka Sara Badan Choor Choor Tha.
:QAMBAR: Jo Phir Hussain Ne Sajdah Ada Kiya.
Khanjar Woh Kund Shimar Wahan Le Aa Gaya.
Nabiyon Ne Apni Aankhon Pe Hathoon Ko Rakh Liya.
Shabbir Ke Galay Pe Jo Khanjar Rawaan Howa.
Zalim Ne Terah Zarboon Se Mara Hussain Ko.
Zainab Ne Dil Ko Tham Ke Dekha Hussain Ko.
Poet: :Qambar Ali Karbalai:
Noha Khuwan: :Syed Mehdi Rizvi:
Noha Volum: :Syed Mehdi Rizvi 2025-26:
#RukhsateHussain
#NohayLyrics
#tajpoint
New Noha Rukhsat e Hussain Mehdi Rizvi Lyrics
Rukhsat e Hussain Mehdi Rizvi Lyrics Urdu 2025 Write Up Poster Image
