Sar Jo Shabbir Ka Zindan Main Saleem Mastan Lyrics Urdu 2025

Sar Jo Shabbir Ka Zindan Main Saleem Mastan.

Sar Jo Shabbir Ka Zindan Mein Laye Khudaam.
Bhai Ke Sar Ko Kiya Zainab-e-Muztar Ne Salam.
Tha Giraftar-e-Salasil Jo Zamane Ka Imam.
Utha Tazeem Ko Le Kar Sheh-e-Mazloom Ka Naam.
Tasht Halqay Mein Liye Kushta e Gham Roney Lagay.
Sar-e-Shabbir Ko Dekha Tu Haram Roney Lagay.

Sab Ne Matam Kiya Mil Kar Hoi Majlis Barpa.
Chom Kar Sar Ko Aqeedat Se Yeh Zainab Ne Kaha.
Dukh Uthaye Hain Bohat Tum Se Bichar Kar Bhaiyya.
Apni Aagosh Mein Sar Bali Sakina Ne Liya.
Ro Rahe They Sabhi Ruktay Hi Kahan They Aanso.
Sar-e-Shabbir Ki Aankhon Se Rawaan They Aanso.

Haal Kehne Ka Yeh Lamha Jo Sakina Ko Mila.
Sar-e-Shabbir Ko Seene Se Laga Kar Yeh Kaha.
Chor Kar Hum Ko Gaye Aap Kahan Aye Baba.
Aap Ke Baad Sitam Totay Hain Hum Par Kya Kya.
Mere Rukhsar Pe Jo Neel Ayyaan Hay Baba.
Yeh Mere Munh Pe Tamachon Ke Nishaan Hay Baba.

Aap Maidaan Ko Sidharay Tu Bara Zulm Howa.
Aag Khaimon Mein Lagi Jal Gaya Samaan Sara.
Chin Gaye Mere Gohar Jal Gaya Mera Kurta.
Roti Phirti Thi Main Oss Dasht-e-Bala Mein Tanha.
Na Diya Hum Ko Kissi Ne Bhi Sahara Baba.
Pochta Koi Na Tha Haal Hamara Baba.

Rotay Rotay Hoi Khamosh Sakina Ik Bar.
Kaha Zainab Ne Yeh Main Teri Musibat Ke Nisar.
Aa Meri Gaud Mein Aa Ja Meri Pyari Dildar.
Par Sakina Na Hilli Apni Jagah Se Zinhar.
Ja Mili Baap Se Woh Baap Ki Pyari Bachi.
Chal Basi Sham Ke Zindan Mein Dulari Bachi.

Kanptay Hathoon Se Abid Ne Banai Turbat.
Dafan Ki Oss Mein Hussain Ibn-e-Ali Ki Dolat.
Na Suni Our Na Dekhi Kahin Aisi Ghurbat.
Dil Bhar Aaya Tu Hoi Had Se Zyada Riqqat.
Bachi Ke Haal Par Sab Kushta e Gham Rotay They.
Qabar Halqay Mein Liye Ahl-e-Haram Rotay They.

Qaid Se Ho Ke Raha Jab Yeh Madine Pohanchay.
Maa Ke Kano Mein Sakina Ke Sukhan Gonjtay They.
Jo Sitam Bachi Par Totay Woh Bhulaye Na Gaye.
Roti Phirti Thi Woh Mazloom Yehi Keh Keh Ke.
Ho Ke Jab Sham Ke Zindan Se Hawa Aati Hay.
Aye Sakina Tere Roney Ki Sada Aati Hay.

Poet: :Shadan Dehlvi:
Soz Khuwan: :Saleem Mastan Wa Bradran:
Noha Volume: :Saleem Mastan 2025-26:

#SarJoShabbirKa
#NohayLyrics
#tajpoint

Sar Jo Shabbir Ka Zindan Main Saleem Mastan Lyrics

Marsiya Sar Jo Shabbir Ka Zindan Main Saleem Mastan

Sar Jo Shabbir Ka Zindan Main Saleem Mastan Lyrics Urdu 2025