Shaheedan e Kufa Saleem Mastan Lyrics Urdu 2026
Shaheedan e Kufa Saleem Mastan
Pyasa Shaheed Kar Diya Muslim Ko Eid Par.
Lasha Phiraya Galiyon Mein Oss Ka Idhar Udhar.
Koi Ali Ki Beti Ko Ja Kar Karey Khabar.
Lo Aaj Logon Tooti Hai Abbas Ki Kamar.
Abbas Ko Hussain Ne Manzar Dikhaya Hai.
Muslim Ka Lasha Chat Se Zameen Par Giraya Hai.
Muslim Ke Sath Aaye They Muslim Ke Ladlay.
Lekin Yeh Zulm Dono Padar Se Bichar Gaye.
Jo Rahbar Hain Khizar Ke Woh Darbadar Hoye.
Jis Ja Qadam Uthay Ossi Rastay Pe Chal Diye.
Kuch Dair Ruk Ke Dono Ne Dam Apna Bharna Tha.
Lekin Laeen Ne Bhaiyon Ko Qaid Karna Tha.
Zindaan Mein Qaid Ho Gaye Muslim Ke Gulbadan.
Bhok Our Pyas Se Hoye Dono Ke Khasta Tan.
Pairon Mein Beriyaan Hain Tu Hathoon Mein Hai Rasan.
Haye Khizaan Ki Zad Pe Ruqaiya Ka Hai Chaman.
Murjhane Lag Gaye Hain Yeh Ghazi Ke Phool Hain.
Muslim Ke Lal Ibn-e-Rasool Hain.
Daroga Ne Jo Qaidiyon Ke Chehray Ko Taka.
Chehray Ka Noor Noor-e-Muhammad Sa Hi Laga.
Pocha Jo Khandan Tu Dono Ne Yeh Kaha.
Haider Ke Hum Nawasay Hain Kuch Reham Hum Pe Kha.
Sun Kar Ali Ka Naam Woh Qadmo Mein Gir Gaya.
De Kar Rehai Zulm Ki Rahoon Se Phir Gaya.
Zindaan Se Jab Chutay Tu Woh Tha Waqt-e-Neem Shab.
Ik Dar Pe Aa Ke Ruk Gaye Dono Hi Jaan Bulb.
Aawaz Sun Ke Giriye Ki Nikli Kaneez-e-Rab.
Dono Se Pocha Pyar Se Roney Ka Kya Sabab.
Muslim Ka Naam Letey Hi Gham Se Bikhar Gaye.
Gash Kha Ke Youn Girey Keh Laga Koch Kar Gaye.
Gash Se Afaqa Hotey Hi Ghar Layi Dono Ko.
Kehne Lagi Tum Aal-e-Muhammad Ho Tu Suno.
Khidmat Ka Iss Kaneez Ko Moqa Hi Bakhsh Do.
Main Pani Le Ke Aati Hoon Tum Dono Woh Piyo.
Itnay Mein Aaya Haris e Bad Kho Azab Mein.
Bad Mast Tha Woh Bughz-e-Ali Ki Sharab Mein.
Aawaz Aayi Kan Mein Bachoon Ke Roney Ki.
Hujray Mein Dekha Dono Ko Halat Badal Gayi.
Khaincha Pakar Ke Zulfoon Se Dono Ko Oss Ghari.
Iss Zulm Par Bhi Kaisay Qayamat Thehar Gayi.
Dalan Tak Woh Khainch Ke Dono Ko Lata Hai.
Rukhsar Par Laeen Tamachay Lagata Hai.
Kar Ke Sitam Bhi Chain Se Betha Na Badchalan.
Maloon Tha Woh Khar Keh Pholon Se Thi Chubhan.
Talwar Taiz Karne Mein Woh Ho Gaya Magan.
Our Khoon Se Lal Ho Gaye Bachoon Ke Parahan.
Dam Ruk Gaya Tha Seene Mein Chehray Bhi Zard They.
They Zakhm Taza Our Badan Unn Ke Sard They.
Darya Ke Pas Dono Ko Le Aaya Woh Laeen.
Bachay Jo Kanptay They Tu Tharati Thi Zameen.
Yeh Raat Aakhri Hai Yeh Dono Ko Tha Yaqeen.
Shukar-e-Khuda Mein Khak Pe Rakh Di Gayi Jaben.
Bikhrey Hoye Sitaron Ko Dekha Zameen Par.
Haris Ne Dono Bachoon Ko Khaincha Zameen Par.
Talwar Ko Hawa Mein Ghomaya Laeen Ne.
Dono Yateem Khof Se Thara Ke Reh Gaye.
Dono Bayak Zaban Yeh Haris Se Keh Uthay.
Sar Dono Ke Woh Sath Hi Tan Se Juda Karey.
Thukra Ke Unn Ki Baat Youn Mara Laeen Ne.
Aik Aik Kar Ke Sar Ko Utara Laeen Ne.
:AHSAAN: Bad-e-Zulm Ajab Saneha Howa.
Darya Mein Jonhi Lashon Ko Oss Ne Baha Diya.
Lashay Bhi Dono Bachoon Ke Hotey Nahi Juda.
Kuch Door Pohanchay Lashay Tu Ik Noor Cha Gaya.
Do Hath Niklay Darya Se Lashon Ke Wastay.
Nana Ka Pyar Hai Yeh Nason Ke Wastay.
Poet: :Ahsaan Rizvi:
Marsiya Khuwan: :Saleem Mastan Wa Bradran:
Noha Volume: :Saleem Mastan 2025-26:
#ShaheedaneKufa
#NohayLyrics
#tajpoint
Shaheedan e Kufa Saleem Mastan Lyrics Urdu 2026 Write Up Poster Image
Shaheedan e Kufa Saleem Mastan Lyrics Urdu
Shaheedan e Kufa Saleem Mastan
Video Link
Marsiya Shaheedan e Kufa Saleem Mastan 2026
Musaddas Shaheedan e Kufa Saleem Mastan Lyrics
