Fatima Aur Zulfiqar Guftugu Mir Sajjad Mir Lyrics Urdu 2025

Fatima Aur Zulfiqar Guftugu Mir Sajjad Mir.

Do Saheliyan Karti Hain Kalam Aik Fatima Aik Zulfiqar.

Dono Ki Guftgu Mein Hai Aayat Ka Kamal.
Ik Noor Zuljalal Hai Ik Qehar-e-Zuljalal.
Woh Aaftab-e-Gaib Hai Yeh Zahir e Hilal.
Hain Kun Ki Kainat Mein Dono Hi La Zawwal.
Zahra Ki Zulfiqar Se Qurbat Hai Iss Tarha.
Behno Ko Pyar Hota Hai Aapas Mein Jis Tarha.

Aadab Kar Ke Boli Adab Se Yeh Zulfiqar.
Aye Bint-e-Mustafa Teri Azmat Pe Main Nisar.
Teri Aroos Ke Liye Taray Ka Aaya Taar.
Hukam-e-Ahad Se Utari Ohad Mein Main Pehli Bar.
Mera Nahi Tha Koi Taluq Bhi Farsh Se.
Main Tu Tere Jaheiz Mein Aayi Hoon Arsh Se.

Hans Kar Kaha Batool Ne Tooba Ka Phal Hai Tu.
Jis Ki Nahi Misal Woh Zarb Al Masal Hai Tu.
Dartay Hain Jis Se Aag Ke Sholay Woh Jal Hai Tu.
Sab Jantay Hain Malka-e-Mulk-e-Ajal Hai Tu.
Dozakh Ki Simt Zulm Ke Rewar Ko Hank Ke.
Dushman Pe Waar Karti Hai Naslon Mein Jhank Ke.

Talwar Boli Youn Tu Ali Shehsawar Hai.
Jan-e-Rasool Qowat-e-Parwardigar Hai.
Maula Pe Apne Tujh Ko Bara Aytbar Hai.
Aayi Hoon Jab Se Main Tere Dil Ko Qarrar Hai.
Ashab Ki Tarha Se Payamber Ko Chor Kar.
Teri Qasam Na Jaon Gi Haider Ko Chor Kar.

Kehne Lagi Batool Keh Apna Shajar Hai Aik.
Sidrah Ho Ya Zameen Ho Dono Ka Ghar Hai Aik.
Khabri Hai Aik Youn Bhi Hamari Khabar Hai Aik.
Khutbay Ka Mere Our Tere Phal Ka Asar Hai Aik.
Zeenat Teri Juda Hai Do Aalam Ki Zaib Se.
Tu Pori Zulfiqar Bani Aadhay Saib Se.

Tu Khud Bhi Mojza Tera Shohar Bhi Mojza.
Sartaj Ke Mizaj Ko Tu Samjhay Ya Khuda.
Ik Roz Lartay Lartay Mujhe Chor Kar Kaha.
Larney Ki Aaj Our Tabiyat Nahi Zara.
Ab Main Yahin Hoon Ja Tu Saron Ko Utar De.
Jo Naam De Raha Hoon Unhein Ja Ke Mar De.

Bolein Batool Yaad Rahein Yeh Wasiyatein.
Tu Janti Hai Ahl-e-Zamana Ki Khaslatein.
Badtar Hain Kafiron Se Musalmaan Ki Adatein.
Inn Ke Liye Zara Bhi Nahi Hain Riayatein.
Ran Mein Muqassaron Ko Tu Hargiz Na Aar De.
Haider Pe Munh Banaein Tu Chehra Bigar De.

Khaybar Mein Main Chali Tu Qaza Hi Qaza Thi Bas.
Aagay Tu Khair Kaun Tha Pichey Hawa Thi Bas.
Kiya Ran Mein Taiz Dasti e Dast-e-Khuda Thi Bas.
Khud Main Ne Bhi Suni Hai Malak Ki Sada Thi Bas.
Tum Zarb-e-Murtaza Ka Asar Dekhna Zara.
Ghar Aaye Jibraeel Tu Par Dekhna Zara.

Zahra Pukari Haan Woh Jab Aaya Nidhal Tha.
Juz Oss Ke Koi Hota Tu Bachna Mohal.
Mana Khuda Ka Hath Tha Tera Jamal Tha.
Lekin Woh Sab Tu Naan-e-Jawein Ka Kamal Tha.
Khaybar Hai Kya Hila Dein Jarein Kainat Ki.
Roti Ali Ne Khayi Hai Zahra Ke Hath Ki.

Talwar Boli Qad Tha Mera Aasman Tak.
Aisay Chali Keh Chalne Nahi Di Zaban Tak.
Main Ne Kaha Ajal Se Na Meri Oraan Tak.
Woh Tezi Thi Keh Khoon Ka Na Aaya Nishan Tak.
Misal-e-Namazi Saaf Yeh Poshaak Hi Rahi.
Khon-e-Najis Bahaya Magar Pak Hi Rahi.

:SAJJAD: Iss Kalam Pe Bas Rook Lo Kalam.
Boli Batool Kijo Mera Aakhri Yeh Kam.
Mehdi Jab Aaye Dijiyo Oss Ko Mera Salam.
Hai Mere Chashm Deed Gawahon Mein Tera Naam.
Gasib Se Pak Ho Yeh Zameen Aisay Jharna.
Inn Ko Lehad Se Khainch Ke Dozakh Mein Garna.

Poet: :Mir Sajjad Mir:
Manqabat Khowan: :Mir Sajjad Mir:
Manqabat Volume: :Mir Sajjad Mir 2025-26:
Composition: :Mir Sajjad Mir:

#FatimaAurZulfiqar
#ManqabatLyrics
#tajpoint

Fatima Aur Zulfiqar Guftugu Mir Sajjad Mir Lyrics Urdu 2025

Fatima Aur Zulfiqar Guftugu Mir Sajjad Mir Lyrics Urdu

Fatima Aur Zulfiqar Guftugu Mir Sajjad Mir Lyrics Urdu 2025