Ab Raat Ho Chuki Hai Ameer Hasan Aamir 2024 Lyrics In Urdu

Ab Raat Ho Chuki Hai Ameer Hasan Aamir 2024

Jab Khak Mein Chupa Chukay Beti Rasool Ki.
Munh Rakh Ke Apna Qabar Pe Rotay Rahe Ali.
Quran Parh Rahe They Jo Ro Ro Ke Murtaza.
Itnay Mein Aayi Fatima Zahra Ki Yeh Sada.

Marqad Pe Meri Aisay Na Aanso Bahaiye.
Ab Raat Ho Chuki Hai Bohat Laut Jaiye.

Maloom Hai Yeh Aap Ko Nazoon Ke Hain Palay.
Bachay Kabhi Bhi Raat Mein Tanha Nahi Rahe.
Ghar Ja Ke Pyar Kijiye Khana Khilaiye.

Bichrey Hain Pehli Bar Jo Madar Se Nu Nehal.
Bachoon Ka Mere Ya Ali Rakhna Bohat Khiyal.
Lipta Ke Apne Seene Se Dharas Bandhaiye.

Milta Nahi Hai Chain Mere Dil Ke Chain Ko.
Raton Mein Pyas Lagti Hai Mere Hussain Ko.
Ashkon Ko Oss Ke Ponchiye Pani Pilaiye.

Zainab Bohat Hai Choti Yeh Gham Seh Na Paye Gi.
Kehna Bhi Jo Chahe Gi Tu Kuch Keh Na Paye Gi.
Bin Maa Ke Kaisay Rehtey Hain Oss Ko Sikhaiye.

Ik Aarzu Hai Aap Se Marqad Pe Ya Ali.
Le Aaiye Ga Bachoon Ko Mere Kabhi Kabhi.
Mera Nishan-e-Qabar Kayi Ja Banaiye.

Faryad Ka Na Qabar Pe Roney Ka Waqt Hai.
Bachoon Ka Mere Ya Ali Soney Ka Waqt Hai.
Lori Thapak Ke Dijiye Unn Ko Sulaiye.

Mujh Ko Yaqeen Hai Aaj Woh Hargiz Na Soein Gay.
Chup Chup Ke Mere Hujray Mein Ja Kar Woh Roein Gay.
Meri Nishaniyon Ko Wahan Se Hataiye.

:AINEE: Bhala Woh Kis Tarha Bechargi Likhe.
:AAMIR: Na Jane Kaisay Ali Qabar Se Uthay.
Aawaz Bas Yeh Aati Rahi Gham Na Khaiye.

Poetess: :Ainee Rizvi:
Noha Khuwan: :Ameer Hasan Aamir:
Noha Volume: :Ameer Hasan Aamir 2024-25:

#AbRaatHo
#NohayLyrics
#tajpoint

Bibi Fatima Noha Ab Raat Ho Chuki Hai Ameer Hasan Aamir

2024 Noha Ab Raat Ho Chuki Hai Ameer Hasan Aamir

Ab Raat Ho Chuki Hai Ameer Hasan Aamir 2024 Lyrics In Urdu Write Up Poster Image

Video Link