Tor Ker Band e Kafan Mujh Ko Bula Lo Amma Mir Hasan Mir Lyrics 2025
Tor Ker Band e Kafan Mujh Ko Bula Lo Amma Mir Hasan Mir.
Toor Kar Band-e-Kafan Mujh Ko Bola Lo Amma.
Karbala Walay Musafir Ko Sanbhalo Amma.
Abhi Kuch Dair Tu Thehro Mera Phatta Hai Jigar.
Pas Tum Bhi Mere Nana Ke Chali Jana Magar.
Aakhri Bar Kalejay Se Laga Lo Amma.
Bin Tumharey Nahi Manzoor Yeh Jeena Mujh Ko.
Raas Aaye Ga Kahan Ab Yeh Madina Mujh Ko.
Le Chalo Sath Kafan Mein Hi Chupa Lo Amma.
Jab Se Mara Hai Sitamgar Ne Tamacha Tum Ko.
Aankh Bhar Ke Nahi Shabbar Ne Hai Dekha Tum Ko.
Ik Nazar Rotay Hoye Betay Pe Dalo Amma.
Dil Nahi Manta Kis Tarha Yeh Bardasht Karon.
Dekh Kar Aap Ke Qatil Ko Main Khamosh Rahon.
Iss Aziyat Se Kissi Tarha Nikalo Amma.
Jab Talak Tum Na Bulao Gi Na Aaye Ga Hussain.
Pyar Maa Betay Ka Dunya Ko Dikhaye Ga Hussain.
Aaj Pehlu Se Zara Hath Hata Lo Amma.
Tum Na Hogi Tu Main Dunya Mein Jiyon Ga Kaisay.
Aaj Maa Betay Ka Ik Sath Janaza Uthay.
Aik Jannat Se Kafan Our Manga Lo Amma.
Qatal Mohsin Ka Howa Our Main Khamosh Raha.
Aap Par Zulm Howa Our Main Khamosh Raha.
Ab Khamoshi Se Meri Pehra Utha Lo Amma.
Sath Jaein Gay Wahan Sare Behan Bhai Abhi.
Jahan Roney Ki Shikayat Na Karey Ga Koi.
Door Yasrab Se Koi Basti Basa Lo Amma.
Maa Ki Maiyyat Pe Bhi Rahwar Se Girtay Dam Bhi.
Sheh Ne Aawaz :TAKALLUM: Ossi Andaz Mein Di.
Apne Mazloom Ko Godi Mein Utha Lo Amma.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2024-25:
Composition: :Waheed Ul Hasan Kamalvi:
#TorKerBandeKafan
#NohayLyrics
#tajpoint
New Noha Ayyam e Fatamiya Tor Ker Band e Kafan Mujh Ko Bula Lo Amma
Tor Ker Band e Kafan Mujh Ko Bula Lo Amma Mir Hasan Mir Lyrics 2025 Write Up Poster Image
