Bane Ga Dekhna Aesa Batool Ka Roza Inshallah Mir Sajjad Mir Lyrics 2025

Bane Ga Dekhna Aesa Batool Ka Roza Inshallah Mir Sajjad Mir.

Woh Waqt Aaye Ga Ik Din Zaror Aaye Ga.
Rasool Zadi Ka Roza Zamana Dekhey Ga.
Inshallah, Inshallah, Inshallah.

Banay Ga Dekhna Aisa Batool Ka Roza.
Yeh Keh Raha Hai Yaqeen Se Rasool Ka Roza.
Zamana Dekhey Ga Asal-e-Usool Ka Roza.
Na Hoga Aisa Kissi Bhi Rasool Ka Roza.
Hai Kam Khas Tu Mazdoor Khas Aaein Gay.
Zameen Pe Sare Payamber Bulaye Jaein Gay.

Haram Mein Lakri Ke Sab Kam Nooh Dekhein Gay.
Tamam Pardon Ko Idrees Aa Ke Si Lein Gay.
Haram Ke Husan Ka Yousuf Khiyal Rakhein Gay.
Khud Apne Hath Se Dawood Loha Katein Gay.
Janab-e-Mosa Sabhi Rastay Banaein Gay.
Kabotaron Ko Suleman Le Ke Aaein Gay.

Zyaraton Ke Naye Baab Likhe Jaein Gay.
Barey Sahifa e Nayab Likhe Jaein Gay.
Nabi Ki Beti Ke Alqab Likhe Jaein Gay.
Haram Mein Jane Ke Aadab Likhe Jaein Gay.
Yeh Shart Ho Gi Keh Sajdah Karo Tu Jao Gay.
Keh Gasibon Pe Tabarah Karo Tu Jao Gay.

Modiriyat Ke Sabhi Kam Dekhein Gay Shabbar.
Khula Rahe Ga Hamesha Hussain Ka Daftar.
Karein Gay Nazar Ko Taqseem Qasim-e-Muztar.
Tamam Bachoon Ko Dekhein Gay Mohsin-o-Asghar.
Youn Subha-o-Sham Milein Gay Wahan Ali Akbar.
Haram Mein Dadi Ke Dein Gay Azaan Ali Akbar.

Khulay Gi Bibi Ki Azmat Namaz-e-Magrib Par.
Karey Gi Fakhar Ibadat Namaz-e-Magrib Par.
Nisar Ho Gi Shariyat Namaz-e-Magrib Par.
Zyada Aaye Gi Khilqat Namaz-e-Magrib Par.
Har Ik Rasool Kahey Ga Yeh Sehan-e-Rehmat Mein.
Namaz Parhni Hai Abbas Ki Imamat Mein.

Barey Haram Ki Barai Tu Raat Mein Ho Gi.
Khuda Ki Asal Khudai Tu Raat Mein Ho Gi.
Marifat Ki Gadayi Tu Raat Mein Ho Gi.
Bas Oss Haram Ki Safai Tu Raat Mein Ho Gi.
Paye Namaz Tahajud Guzar Aaein Gay.
Sab Apni Darhi Se Jharo Laga Ke Jaein Gay.

Banay Gi Soney Se Asli Zareeh Ki Jali.
Lagai Jaye Gi Fizza Ke Hath Se Chandi.
Haseen Qalam Se Hasan Khud Karein Gay Khatati.
Likhein Gay Qabar Pe Aayat Sari Quraan Ki.
Lehad Pe Tohfa e Rehman Rakha Jaye Ga.
Ali Ke Hath Ka Quran Rakha Jaye Ga.

Koi Janaza Haram Mein Jo Laya Jaye Ga.
Janab-e-Esa Ko Foran Bulaya Jaye Ga.
Janaza Kaisa Qaseeda Parhaya Jaye Ga.
Yeh Keh Ke Shaney Ko Oss Ke Hilaya Jaye Ga.
Ba Izn-e-Fatima Zahra Utho Kalam Karo.
Unhon Ne Zindah Kiya Hai Unhein Salam Karo.

Karein Gay Sare Malak Zaireen Ki Khidmat.
Kahan Miley Gi Unhein Kafshdari Se Fursat.
Farishta Maut Ka De Ga Hayat Ki Lazzat.
Na Ho Gi Chalne Ki Jin Zaireen Mein Himmat.
Har Aik Sehan Ka Chakar Lagaein Gay Fitrus.
Paron Pe Aisay Mareezo Ko Laein Gay Fitrus.

Ali Ka Beta Madine Ko Roshni De Ga.
Duaein Qabar Se Umm Ul-Banin Ki Le Ga.
Haram Batool Ka :SAJJAD: Aisay Chamkay Ga.
Ho Din Ya Shab Bani Hashim Ka Chand Niklay Ga.
Haram Se Mashk Sakina Ki Laein Gay Abbas.
Hussain Walon Ko Pani Pilaein Gay Abbas.

Poet: :Mir Sajjad Mir:
Manqabat Khowan: :Mir Sajjad Mir:
Manqabat Volume: :Mir Sajjad Mir 2024-25:
Composition: :Mir Sajjad Mir:

#BaneGaDekhna
#ManqabatLyrics
#tajpoint

Bibi Fatima Zahra Manqabat Bane Ga Dekhna Aesa Batool Ka Roza Inshallah Mir Sajjad Mir

New Manqabat Bane Ga Dekhna Aesa Batool Ka Roza Inshallah

Bane Ga Dekhna Aesa Batool Ka Roza Inshallah Mir Sajjad Mir Lyrics 2025