Ay Alam Dar e Man Nadeem Sarwar Lyrics In Urdu 2016
Ay Alam Dar e Man Nadeem Sarwar Lyrics
Aye Alamdar-e-Man Aye Sipah Dar-e-Man.
Aye Wafadar-e-Man Main Ho Gaya Tanha.
Waqt-e-Madad Hai Bawafa, Darya Pe Ab Sota Hai Kya.
Hal Min Ki Deta Hoon Sada, Sun Aye Sakina Ke Chacha.
Aye Mere Bawafa, Aye Mere Dilruba.
Aye Mere Meh Laka Aa, Main Ho Gaya Tanha.
Aa Dekh Meri Zindagi, Dard-o-Alam Mein Ghir Gayi.
Zakhmi Howa Rahwar Bhi, Barhney Lagi Hai Tashnagi.
Tu Ne Rakha Bharm, Har Ghari Har Qadam.
Phir Utha Le Alam Aa, Main Ho Gaya Tanha.
Lashein Utha Kar Thak Gaya, Pocho Na Kaisay Ghar Gaya.
Abbas Phir Main Gir Gaya, Samjhi Behan Main Mar Gaya.
Haye Kya Reh Gaya, Ho Gayi Inteha.
Jane Mushkil Kusha Aa, Main Ho Gaya Tanha.
Bhaiyya Mujhe Yeh Hai Khabar, Be Dast Tu Hai Khak Par.
Phir Bhi Magar Koshish Tu Kar, Aa Ja Tarai Chor Kar.
Tere Bazu Qalam Khoon Mein Doba Alam.
Hai Sakina Ko Gham Aa, Main Ho Gaya Tanha.
Khanjar Talay Sar Hai Mera, Zalim Hai Seene Par Charha.
Thi :SARWAR-o-REHAN: Yeh, Maula-e-Bekas Ki Sada.
Aa Mere Bhai Aa, Kat Raha Hai Gala.
Aakhri Hai Sada Aa, Main Ho Gaya Tanha.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2016-17:
Composition: :Nadeem Sarwar:
#AyAlamDareMan
#NohayLyrics
#tajpoint
Ay Alam Dar e Man Nadeem Sarwar Lyrics In Urdu 2016 Write Up Poster Image
