Fatima Ki Sada Haye Taqi Syed Raza Rizvi Lyrics Urdu 2022
Fatima Ki Sada Haye Taqi Syed Raza Rizvi
Yeh Aa Rahi Hai Baqiya Se Fatima Ki Sada.
Hasan Ka Gham Howa Taza Taqi Ko Zehar Mila.
Shadeed Kitna Khuda Jane Zehar Ka Hai Asar.
Raza Ke Lal Ka Kat Kat Ke Gir Raha Hai Jigar.
Magar Na Pas Hai Koi Bhi Bhai Our Beta.
Wahan Saharey Ko Behnein Thin Pas They Bhai.
Yahan Hain Qaid Mein Zulm-o-Sitam Tamashai.
Ajeeb Karb Ke Aalam Mein Hai Mera Beta.
Wahan Thi Jodah-e-Ashas Sitam Pe Bandhay Kamar.
Yahan Hai Dukhtar-e-Mamoon Ke Ajjab Tewar.
Keh Hans Rahi Hai Sirhaney Khari Hoi Zojah.
Jisay Bhi Dekho Taqi Ka Hai Dushman-e-Jani.
Koi Nahi Jo Pilaye Ghareeb Ko Pani.
Main Kya Karon Marey Bache Ka Hai Gala Sokha.
Nishaan Zameen Pe Lahu Ke Chupaye Shah-e-Anam.
Jigar Ke Tukray Sanbhalay Kharey Hain Youn Bhi Imam.
Keh Aisay Haal Mein Dekhey Na Baap Ko Beta.
Barha Jo Dard Tu Dewar-o-Dar Se Takraye.
Dil-o-Jigar Ko Sanbhalay Zameen Par Aaye.
Abu Turab Ka Beta Turab Par Tarpa.
Suni Duhai Jo Zahra Ki Aye :RAZA: :BUZAR:.
Najaf Se Chak Gareban Aa Gaye Haider.
Ali-o-Fatima Zahra Ne Phir Kiya Noha.
Poet: :Syed Abuzar Hasnain:
Noha Khuwan: :Ali Raza Rizvi:
Noha Volume: :Ali Raza Rizvi 2021-22:
Composition: :Raza Shah:
#HayeTaqi
#NohayLyrics
#tajpoint
Fatima Ki Sada Haye Taqi Syed Raza Rizvi Lyrics Urdu 2022 Write Up Poster Image
