Yeh Azadar Ke Aanso Lyrics In Urdu and Roman Urdu
یہ عزادار کے آنسو
Kya Bataon Main Zamane Ko Fazeelat Inn Ki.
Chand Qatre Hain Magar Khob Hai Izat Inn Ki.
Behar-e-Aalam Se Kahin Zyada Hai Wusat Inn Ki.
Majlis-e-Shah Mein Behna Hai Ibadat Inn Ki.
Chashm-e-Pur Dard Ki Tauqeer Barha Dete Hain.
Ronaq-e-Majlis-e-Shabir Barha Dete Hain.
Aaj Kehta Hai Zamana Jo Inhein Ashk-e-Azza.
Yeh Laqab Majlis-e-Sarwar Ke Sabab Inn Ko Mila.
Sari Dunya Mein Koi Misal Nahi Hai Inn Ka.
Na Kissi Our Ne Paya Kabhi Aisa Rutba.
Pursa Dari Ki Riwayat Ka Unwan Bane.
Han Azadari-e-Shabir Ki Pehchan Bane.
Hai Azadar Ki Aankhon Se Taluq Inn Ka.
Muntazir Rehte Hain Har Waqt Baray-e-Pursa.
Qudratan Paya Hai Inn Sab Ne Saleeqa Aisa.
Naam-e-Shabir Suna Aankh Se Ikhraj Kya.
Zaigham-e-Saqi-e-Kausar Keh Paristar Hain Yeh.
Inn Ko Nisbat Hai Wafaon Se Wafadar Hain Yeh.
Un-Ginat Wasf Hain Inn Ke Gham-e-Sarwar Ki Qasam.
In KO ALLAH Ne Bakhsha Hai Ajab Jah-o-Hasham.
Hazrat-e-Jafar-e-Sadiq Se Riwayat Hai Raqam.
Jo Gham-e-Sheh Min Bahaye-e-Ga Woh Jaye Ga Iram.
Apni Taqdees Ka Ejaz Dikha Sakte Hain.
Aag Ik Pal Mein Jahanum Ki Bujha Sakte Hain.
Yeh Woh Aanso Hain Jo Har Aik Ki Qismat Mein Nahi.
Sahib-e-Dolat-o-Qowat Ki Itat Mein Nahi.
Yeh Nageene Kisi Tajir Ki Tijarat Mein Nahi.
Juz Azadar Kisi Our Ki Baiyat Mei Nahi.
Aaj Bhi Hur Ki Tarha Barsar-e-Paikar Hain Yeh.
Majlis-e-Shah Se Mansoob Hain Mukhtar Hain Yeh.
Jab Bhi Hota Hai Sar-e-Majlis-e-Sarwar Giriya.
Ashk Aankhon Se Bahate Hain Sabhi Ahl-e-Aza.
Chun Ke Le Jati Hain Romal Mein Apne Zahra.
Our :YASIR: Yehi Kehtin Hain Basad Aaho Buka.
Yeh Woh Aanso Hain Nahi Hai Koi Jin Ka Humsar.
Zakhm-e-Shabir Pe Lagte Hain Yeh Marham Ban Kar.
Poet: :Yasir Raza Yasir:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2010-11:
#YehAzadarKeAanso
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
