Asghar Ho Tum Kahan Mir Hasan Lyrics Urdu 2007
Asghar Ho Tum Kahan.
Maqtal Mein Baithi Khak Par Noha Kuna Hai Maa Asghar Ho Tum Kahan.
Jhola Jala Tu Jal Gaye Arman Bhi Mere.
Main Jee Rahi Thi Aik Hi Hasrat Liye Howay.
Dolha Tumhein Banaon Gi Jab Ho Gaye Tum Asghar Ho Tum Kahan.
Bikhre Howay Yeh Chand Sitare Zameen Pe Hain.
Zinda Nahi Hai Koi Magar Sab Yahin Pe Hain.
Ik Teri Lash Hi Nahi Lashon Ke Darmiyaan Asghar Ho Tum Kahan.
Do Char Din Bhi Zinda Nahi Reh Sakon Gi Main.
Itna Teri Ghareebi Pe Matam Karon Gi Main.
Aye Lal Mere Hathon Ki Khulwa De Rasiyaan Asghar Ho Tum Kahan.
Maqtal Se Qafile Ko Guzara Giya Tha Jab.
Pyaron Ko Apne Dete The Ro Kar Sadaein Sab.
Yeh Kehte Kehte Bandh Gayein Bano(SA) Ki Hichkiyaan Asghar Ho Tum Kahan.
Majlis Wahin Pe :MIR TAKALLUM: Bapa Hoi.
Maa Tubat-e-Sagheer Pe Kehti Thi Jis Ghari.
Jata Hai Soye Sham Ab Lut Kar Ye Karwaan Asghar Ho Tum Kahan.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2007-08:
Asghar Ho Tum Kahan Mir Hasan Lyrics Urdu 2007 Write Up Poster Image
