Main Karb-o-Bala Hoon Page 1 Lyrics Urdu Mir Hasan 2009
Main Karb-o-Bala Hoon Page 1 Lyrics Urdu Mir Hasan Mir
Karbala Maut Ke Saye Ko Nigal Sakti Hai.
Karbala Takht Ko Talwon Se Masal Sakti Hai.
Karbala Khak Tu Kiya Aag Pe Chal Sakti Hai.
Karbala Waqt Ki Raftar Badal Sakti Hai.
Khusrawi Jabar Yahan Kasht Nahi Kar Sakti.
Karbala Taj Ko Bardasht Nahi Kar Sakti.
Kab Bhala Sab Ko Muyassar Hai Musalla Mera.
Naam Shabeer Ne Rakha Hai Mualla Mera.
Dast-e-Qudrat Ki Tarashi Hoi Tasveer Hoon Main.
Qismat-e-Hur Ki Qasam Katib-e-Taqdeer Hoon Main.
Khud Pe Magror Hoon Abbas Ki Jageer Hoon Main.
Markaz-e-Noor Hoon Washams Ki Tafseer Hoon Main.
Ho Nahi Sakta Mere Noor Ka Humsar Soraj.
Meri Aagosh Mein Utray Hain Bahatar Soraj.
Baar Nabiyon Ki Amanat Ka Uthaya Main Ne.
Apne Zarron Ko Sitaron Se Barhaya Main Ne.
Aisay Darbar Shahadat Ka Sajaya Main Ne.
Farsh Par Arsh Nasheeno Ko Bulaya Main Ne.
Be Ijazat Na Yahan Se Koi Rehbar Guzra.
Har Nabi Khums Lahu Ka Mujhe De Kar Guzra.
Mujh Ko Zehno Ke Mareezo Ki Dawa Aati Hai.
Mere Zarron Se Analhaq Ki Sada Aati Hai.
Sajdah Karne Meri Chokhat Pe Qaza Aati Hai.
Bas Meri Khak Se Khushbo-e-Wafa Aati Hai.
Jab Se Abbas Ke Parcham Ko Utha Rakha Hai.
Aasmano Ne Mujhe Sar Pe Bitha Rakha Hai.
Qabar Mein Jab Bhi Utarti Hai Kissi Ki Maiyyat.
Hukam-e-Mabood Se Hota Hai Fishar-e-Turbat.
Mere Malik Ne Mujhe Bakhshi Hai Aisi Qowat.
Main Kafan Mein Jo Rahon Khak-e-Shifa Ki Sorat.
Sakhtiyon Se Ossay Turbat Ki Chura Deti Hoon.
Main Azadar Ko Jalnay Se Bacha Leti Hoon.
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2009-10:
#ManqabatLyrics
#tajpoint
Main Karb-o-Bala Hoon Page 1 Lyrics Urdu Mir Hasan 2009 Write Up Poster Image
