Saqqa e Sakina Abbas Abbas Mesum Abbas Lyrics In Urdu and Roman Urdu
سقّائے سکینہؑ عباسؑ عباسؑ
Saqa e Sakina Abbas Abbas.
Do Mujh Ko Sahara Abbas Abbas.
Thehri Hoi Nazrein Hain Meri Tere Alam Par.
Shak Mujh Ko Nahi Koi Tere Lutf-o-Karam Par.
Tu Baab-e-Hawaij Hai Nazar Rakhta Hai Hum Par.
Mushkil Se Bachana Abbas Abbas.
Bin Hathoon Ke Tum Jholiyaan Bhar Detey Ho Maula.
Ahsan Karo Mujh Pe Main Banda Hoon Tumhara.
Muflis Hoon Bohat Karb-o-Bala Aa Nahi Sakta.
Kya Tum Se Chupana Abbas Abbas.
Sab Ranj-o-Alam Main Ne Zamane Se Chupaye.
Aaya Hoon Tere Samne Hathoon Ko Uthaye.
Munh Moor Gaye Mujh Se Sabhi Apne Paraye.
Dil Zakhmi Hai Mera Abbas Abbas.
Dunya Ki Musibat Ne Mujhe Ghair Liya Hai.
Aaqa Tera Khadam Yeh Pareshan Howa Hai.
Tum Mujh Ko Bacha Lo Gay Mujhe Yeh Bhi Pata Hai.
Bas Dair Na Karna Abbas Abbas.
Abbas Habib Ibn-e-Mazahir Se Yeh Kehna.
Zawwaron Ki Fehrist Mein Ab Naam Ho Mera.
Saman-e-Safar Bhi Mera Teyar Hai Maula.
Tum Mujh Ko Bolana Abbas Abbas.
Zahra Ki Qasam Hai Meri Uljhan Ko Mita Do.
Ik Phool Alam Se Mere Daman Mein Gira Do.
Himmat Mujhe Mil Jaye Isharey Se Bata Do.
Tum Sath Ho Maula Abbas Abbas.
Tu Bhai Hai Shabeer Ka Haider Ka Hai Beta.
Dunya Mein Nahi Itna Sakhi Koi Gharana.
Teri Hi Sakhawat Ka Zamane Mein Hai Charcha.
Tu Dar Hai Atta Ka Abbas Abbas.
Sar Pe Nahi Jin Logon Ke Maa Baap Ka Saya.
Unn Sab Ke Nigehban Tum Hi Ho Mere Maula.
Madar Ka Hi Aanchal Hai Yeh Parcham Ka Pharera.
Kartay Raho Saya Abbas Abbas.
Detey Hain Sakina Ki Qasam Iss Liye Maula.
Hai :MEESUM:-o-:AZLAN: Ka Maula Yeh Aqeeda.
Tum Rad Nahi Kar Saktay Kabhi Bhi Yeh Waseela.
Hai Pora Bharosa Abbas Abbas.
Poet: :Azlan Azmi:
Noha Khuwan: :Mesum Abbas:
Noha Volum: :Mesum Abbas 2022-23:
#AbbasAbbas
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
