Garm Reti Pa Main Nadeem Sarwar Lyrics In Urdu 1995
Garm Reti Pa Main Nadeem Sarwar Lyrics
Asar Ka Waqt Hai Shabeer Ki Aati Hai Sada.
Choor Zakhmo Se Badan Ho Gaya Amma Mera.
Apni Aagosh Mein Ab Mujh Ko Chupa Lo Amma.
Aray Dhop Hai Apni Abba Aan Ke Dalo Amma.
Garam Reti Pa Main Girta Hoon Sanbhalo Amma.
Thak Gaya Lashein Utha Kar Main Bharay Lashkar Ki.
Lash Qasim Ki Main Laya Hoon Kabhi Akbar Ki.
Khud Banai Hai Lehad Main Ne Ali Asghar Ki.
Do Tasali Mujhe Seene Se Laga Lo Amma.
Teer Talwaron Se Khanjar Se Badan Zakhmi Hai.
Khak Jalti Hai Tu Zakhmo Mein Chubhan Hoti Hai.
Mere Zakhmo Se Mere Dil Ka Lahu Jari Hai.
Apni Chadar Ko Mere Zakhmo Pe Dalo Amma.
Mera Abbas Khafa Ho Gaya Amma Mujh Se.
Woh Nahi Aaya Utha Laya Tha Bazu Oss Ke.
Aap Ik Kam Karein Nehar Kinaray Ja Ke.
Mere Rothay Hoye Bhai Ko Mana Lo Amma.
Chakiyaan Peesi Hain Godi Mein Betha Kar Mujh Ko.
Jagti Rehti Thin Zanu Pe Sula Kar Mujh Ko.
Loriyaan Deti Thin Jholay Mein Jhula Kar Mujh Ko.
Ik Dafa Gaud Mein Phir Apni Sula Lo Amma.
Our Kuch Dair Ka Mehman Hoon Tum Pas Raho.
Rait Zakhmo Mein Hai Aanchal Se Ossay Saaf Karo.
Aati Hai Roney Ki Aawaz-e-Sakina Dekho.
Jao Tum Ja Ke Sakina Ko Sanbhalo Amma.
Dekho Woh Aag Lagi Sham-e-Ghareebaan Aayi.
Dekho Ghabra Ke Nikal Aayi Meri Maa Jayi.
Dekho Be Hosh Sakina Ka Para Hai Bhai.
Jao Sajjad Ko Sholon Se Nikalo Amma.
Hai Guzarish Meri Tum Se Tu Ab Itni Madar.
Amma Baba Ki Qasam Dhanp Lo Munh Par Chadar.
Dekha Jaye Ga Na Ab Tum Se Yeh Khoni Manzar.
Qatal Hota Hoon Nigahon Ko Hata Lo Amma.
Hogi Jab Hashar Ke Maidan Mein Majlis Barpa.
Farsh-e-Gham Sheh Ka Bichaein Gi Janab-e-Zahra.
Aaye Gi Hazrat-e-Shabeer Ki :REHAN: Sada.
Aaj Jee Khol Ke Tum Ashk Baha Lo Amma.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1994-95:
#GarmRetiPaMain
#NohayLyrics
#tajpoint
Old Noha Garm Reti Pa Main Nadeem Sarwar Lyrics
Garm Reti Pa Main Nadeem Sarwar Lyrics In Urdu 1995 Write Up Poster Image
