Dekho Aye Kofiyo Main Zainab-e-Dilgeer Hoon Nadeem Sarwar Lyrics 1997
Dekho Aye Kofiyo Main Zainab-e-Dilgeer Hoon Nadeem Sarwar.
Sar Nangay Mujhe Kyun Hai Phiraya Main Waris-e-Tatheer Hoon.
Aal-e-Ahmad Ka Tamasha Dekhney Aaye Ho Kyun?
Apni Ghairat Ka Janaza Dekhney Aaye Ho Kyun?
Be Badan Naizon Pe Lasha Dekhney Aaye Ho Kyun?
Main Ossi Mazloom-e-Karbal Ki Dukhi Humsheer Hoon.
Jis Ka Sajdah Qalb-e-Yazdaan Mein Samaya Woh Hussain.
Gir Ke Ghorey Se Zameen Par Jo Na Aaya Woh Hussain.
Sar Pe Apne Jis Ko Teeron Ne Uthaya Woh Hussain.
Main Ossi Mazloom-e-Karbal Ki Dukhi Humsheer Hoon.
Pochtay Ho Mujh Se Roney Ka Sabab Ahl-e-Jafa.
Hain Tumhari Aurtein Parday Mein Our Mein Be Rida.
Mere Bachay Mera Bhai Be Khata Mara Gaya.
Main Ossi Mazloom-e-Karbal Ki Dukhi Humsheer Hoon.
Be Kafan Jalti Zameen Par Aaj Bhi Sota Hai Jo.
Ashk Ki Khaiti Zameen Par Aaj Bhi Bota Hai Jo.
Be Ridai Par Meri Naizay Pe Bhi Rota Hai Jo.
Main Ossi Mazloom-e-Karbal Ki Dukhi Humsheer Hoon.
Woh Pas-e-Gardan Se Jis Ko Terah Zarbain Mar Kar.
Kaat Ke Sar Lash-e-Be Sar Chor Di Thi Khak Par.
Phir Ossi Ki Lash Par Le Aaye Mujh Ko Nangay Sar.
Main Ossi Mazloom-e-Karbal Ki Dukhi Humsheer Hoon.
Jis Ka Ghazi So Gaya Darya Kinaray Tashna Lab.
Kat Gaye Bazu Jarri Ke Our Kya Ho Ga Ghazab.
Be Rida Main Ho Gayi Hoon Jis Ke Marne Ke Sabab.
Main Ossi Mazloom-e-Karbal Ki Dukhi Humsheer Hoon.
Borhay Kandhoon Par Utha Kar Laya Jo Akbar Ki Lash.
Dafan Kar Di Jis Ne Jalti Khak Mein Asghar Ki Lash.
Be Kafan Be Goor Hai Jis Shah-e-Behro Bar Ki Lash.
Main Ossi Mazloom-e-Karbal Ki Dukhi Humsheer Hoon.
Sham Ke Darbar Mein :REHAN: Thi Aah-o-Boka.
Be Kafan Bhai Ki Be Chadar Behan Ne Jab Kaha.
Aye Khuda-e-Lam Yazal Be Goor Hai Bhai Mera.
Main Ossi Mazloom-e-Karbal Ki Dukhi Humsheer Hoon.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1996-97:
#DekhoAyeKofiyo
#NohayLyrics
#tajpoint
Nadeem Sarwar Old Noha Lyrics Dekho Aye Kofiyo Main Zainab-e-Dilgeer Hoon
Dekho Aye Kofiyo Main Zainab-e-Dilgeer Hoon Nadeem Sarwar Lyrics 1997 Write Up Poster Image
