Abad Wallah Nadeem Sarwar Lyrics In Urdu 2012

Abad Wallah Nadeem Sarwar Lyrics

Teen Shaban Sada-e-Konain Marhaba Sallay Ala Ho Gaya Zahoor-e-Maula Hussain. Aagosh-e-Fatima Se Hussain Aagosh-e-Risalat Mein Aaye. Hussain Dekh Ke Nana Ko Muskuratin Hain. Magar Yeh Kya Howa Chashm-e-Rasool-e-Akram Se Khushi Ke Waqt Bhi Aanso Tapaktay Jate Hain. Sawal Kar Diya Zahra Ne Aye Mere Baba Udas Kyun Hoye. Kyun Sogowar Hai Chehra? Kaha Rasool Ne Zahra Main Khush Howa. Yeh Tera Lal Mere Deen Ko Bachaye Ga. Main Roya Iss Liye Zahra Watan Se Door Akela Pyasa Ghareebi Mein Mara Jaye Ga. Our Oss Qayamat Mein Na Main Na Tum Na Ali Hoonge Na Hasan Hoga Na Koi Pyara Na Apna Hoga. Kinaray Nehar Ke Be Goro Be Kafan Hoga. Tarap Ke Pocha Nabi Se Hussain Ki Maa Ne Tu Mere Baba Bhala Iss Pe Kaun Roye Ga? Kaha Rasool Ne Zahra Na Fikar Kar Beti Khuda Ki Simt Se Mojood Aik Qabeela Hai- Jo Iss Ko Roye Ga Ta Hashar Oss Ka Wadah Hai- Jo Na Hussain Ko Bholay Ga Na Hussain Oss Ko Bholay Ga. Sare Jahan Se Unn Ki Musalsal Sada Ho Gi. Hussain, Hussain, Hussain, Hussain, Hussain, Hussain, Hussain, Hussain, Hussain, Hussain.

Wadah Hai Hamara Ya Fatima Zahra Nahi Bholein Gay Hussaina.
Oss Ne Hum Ko Na Bhulaya Hum Ne Oss Ko Na Bhulaya.
Abad Wallah Ya Zahra Maninsa Hussaina.

Qasam ALLAH Ki Woh Jis Ne Humein Khalq Kiya.
Our Humein Karb-o-Bala Ke Liye Makhsoos Kiya.
Hum Wohi Loag Hain Wallah Dua-e-Zahra.
Oss Ne Hal Min Jo Kaha Nasirin Yansurna.
Hum Ne Labaik Kaha.

Ya Ali Aap Ke Har Ranj-o-Musayab Ki Qasam.
Aap Ke Gham Ki Hai Maqroz Yeh Nasal-e-Aadam.
Chodah Sadiyon Se Musalsal Hai Azza-o-Matam.
Go Ke Har Chand Hoye Hath Qalam Paon Qalam.
Zair-e-Karb-o-Bala Ke Na Rukay Phir Bhi Qadam.

Aik Wadah Hai Jo Shabeer Se Hum Sab Ne Kiya.
Aik Wadah Hai Jo Shabeer Ne Bachpan Mein Liya.
Apne Maa Baap Se Nana Se Baradar Se Kaha.
Aap Sab Mere Azadaron Ko Kya Dein Gay Sila.

Bolay Sarkar-e-Muhammad Main Shifat Donga.
Bolay Haider Ke Main Kausar Ki Basharat Donga.
Our Hasan Bolay Main Sardar Hoon Janat Donga.
Bolein Zahra Tera Wadah Hai Shahadat Donga.
Main Bhi Janat Mein Na Rakhon Gi Qadam Mere Hussain.
Jab Talak Khuld Mein Jaein Na Azadar-e-Hussain.

Imam Hussain, Imam Hussain.
Aati Hai Fatima Zahra Ki Sada.
Aye Azadaro Suno Aye Azadaro Suno.
Aye Azadaro Na Jab Tum Bholay.
Bhool Jaye Tumhein Zahra Kaisay.
Mujh Pe Kya Kya Na Musayab Totay.

Mera Do Baar Jala Ghar Logo.
Mere Pehlu Pe Gira Dar Logo.
Daag-e-Mohsin Hai Jigar Par Logo.
Mujh Ko Darbar Bola Kar Logo.
Kata Hai Qalb-e-Payamber Logo.
Nahi Bholein Gay Ya Zahra.

Na Main Abbas-e-Alamdar Ke Bazu Bholi.
Na Main Zainab Ka Tarapna Kissi Pehlu Bholi.
Gard Aalod Sakina Ke Na Gesu Bholi.
Na Hi Sajjad Ke Khoon Rang Woh Aanso Bholi.
Nahi Bholein Gay Ya Zahra.

Apne Bachay Ke Rafiqon Ko Bicharta Dekha.
Khak Pe Aoun-o-Muhammad Ko Tarapta Dekha.
Main Ne Tukray Hoye Qasim Ka Janaza Dekha.
Ayeriyaan Khak Pe Akbar Ko Ragarta Dekha.
Main Ne Asghar Ka Galla Teer Mein Uljah Dekha.
Jis Ghari Lal Mera Zeen Se Reti Pe Gira.
Terah Zarboon Se Mere Samne Sar Oss Ka Kata.

Hussain, Hussain, Hussain Hussain, Hussain Hussain.
Haye Phir Sham-e-Ghareebaan Ne Mujhe Loot Liya.
Woh Rida Meri Thi Aada Ne Jisay Loot Liya.
Main Na Bholon Gi Woh Bazar.
Haye Woh Sham Ka Darbar.
Nahi Bholon Gi Woh Zindan.
Haye Mera Abid-e-Beemar.

Zahra Nahi Bholein Gaye, Wallah Nahi Bholein Gay.
Shabeer Ki Ghurbat Ko, Naizay Pe Tilawat Ko.
Abbas Ko Akbar Ko, Qasim, Ali Asghar Ko.
Jaltay Hoye Khaimon Ko, Chinti Hoi Chadar Ko.
Zainab Ki Shujat Ko, Abid Ki Qayadat Ko.
Zahra Nahi Bholein Gaye, Wallah Nahi Bholein Gay.

Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2011-12:

#AbadWallah
#NohayLyrics
#tajpoint

Old Noha Abad Wallah Nadeem Sarwar Lyrics

Abad Wallah Nadeem Sarwar Lyrics In Urdu 2012