Yeh Maa Kahan Na Nadeem Sarwar Lyrics In Urdu 2008
Yeh Maa Kahan Na Nadeem Sarwar Lyrics
Yasrab Mein Aaein Khuwab Mein Zainab Ke Youn Batool.
Matha Bhara Tha Khon Mein Sar Par Rida Na Thi.
Zainab Ne Pocha Kis Ke Lahu Se Jabeen Hai Lal.
Amma Tum Par Tu Aafat-e-Safar-e-Karbala Na Thi.
Ro Kar Kaha Batool Ne Tum Yaad Tu Karo.
Tum Apni Yaad Ko Zara Aabad Tu Karo.
Kis Waqt Kis Jagah Main Shareek-e-Azza Na Thi Yeh Maa Kahan Na Thi.
Zainab Safar Mein Sath Tere Maa Kahan Na Thi Yeh Maa Kahan Na Thi.
Roi Tumhare Sath Bahatar Ki Lash Par.
Akbar Ki Lash Par Ali Asghar Ki Lash Par.
Zainab Main Kis Shaheed Ki Sahib Azza Na Thi Yeh Maa Kahan Na Thi.
Jhara Tha Kis Ne Baloon Se Sehraye Karbala.
Kis Ne Bichaya Khak Musalla-e-Karbala.
Haye Haye Main Karbala Mein Shab-e-Qatal Kya Na Thi Yeh Maa Kahan Na Thi.
Rakht-e-Kohan Hussain Ne Manga Tha Jis Ghari.
Khaimay Mein BiBi Tum Ko Gash Aaya Tha Jis Ghari.
Khaimay Ke Pichey Roney Ki Meri Sada Na Thi Yeh Maa Kahan Na Thi.
Rukhsat Ko Aaya Khaimay Mein Jab Ibn-e-Buturab.
Thami Thi Tum Ne Jis Ghari Mazloom Ki Rakab.
Kya Sath Sath Ghorey Ke Main Nangay Pa Na Thi Yeh Maa Kahan Na Thi.
Jab Tum Giri Thin Bhai Ke Lashay Pe Aount Se.
Naqay Pe Tum Sawar Thi Bazu Rasan Mein They.
Kya Baal Kholay Lash Pe Khair-Al-Nisa Na Thi Yeh Maa Kahan Na Thi.
Yasrab Se Taba Mariya Our Waan Se Taba Sham.
Humrah Thi Qadam Ba Qadam Sath Gaam Gaam.
Zainab Kahin Hussain Se Zahra Juda Na Thi Yeh Maa Kahan Na Thi.
Zainab Ne Arz Ki Keh Baja Kehti Hain Janab.
Main Sun Rahi Hoon Jo Ba Khuda Kehti Hain Janab.
Aye Walida Mujhe Khabar-e-Dast-o-Pa Na Thi Yeh Maa Kahan Na Thi.
Imsaal Bhi Najaf Ka Iradah Tha Aye :DABEER:.
Our Karbala Bhi Jaon Yeh Socha Tha Aye :DABEER:.
Par Reh Gaye Tarap Ke They Qismat Rasaan Na Thi Yeh Maa Kahan Na Thi.
Poet: :Mirza Salaamat Ali Dabeer:
Noha Khuwan: :Nadeem Sarwar:
Noha Volume: :Nadeem Sarwar 2007-08:
#YehMaaKahanNa
#NohayLyrics
#tajpoint
New Noha Yeh Maa Kahan Na Nadeem Sarwar Lyrics
Yeh Maa Kahan Na Nadeem Sarwar Lyrics In Urdu 2008 Write Up Poster Image
