Hussain Ya Hussain Nadeem Sarwar Lyrics In Urdu 1996
Hussain Ya Hussain Nadeem Sarwar Lyrics
Hussain Ya Hussain, Hussain Be Kafan, Hussain Be Khata.
Beta Hoon Main Ali Ka Nawasa Rasool Ka.
Zainab Behan Hai Meri Chaheta Batool Ka.
Qurbaniyaan Yeh Meri Bhulai Na Jaein Gi.
Jab Karbala Basay Gi Sadaein Yeh Aaein Gi.
Sardar-e-Khuld Malik-e-Kausar Hussain Hoon.
Sibt-e-Nabi Hoon Fatima Zahra Ka Chain Hoon.
Zibhe Azeem Shah-e-Shahedan Karbala.
Para Hoon Main Tu Dhar Mein Quran Sabar Ka.
Baba Ali Ke Hathoon Mein Jo Zulfiqar Hai.
Makhsoos Iss Ka Kufar Ki Naslon Pe Waar Hai.
Main Jang Kyun Karon? Keh Hasan Ka Main Bhai Hoon.
Tum Munkir-e-Khuda Main Khuda Ka Fidai Hoon.
Mere Liye Rasool Ke Sajdoon Mein Tool Hai.
Marzi Meri Khuda Ko Nabi Ko Qabool Hai.
Sokhay Galay Pe Mere Jo Khanjar Chalaye Ga.
Marqad Mein Fatima Ko Ali Ko Sataye Ga.
Utra Tha Aasmaan Se Sitara Hamarey Ghar.
Kabay Ki Simt Dekhon Tu Dewar Mein Ho Dar.
Pyasa Hoon Be Watan Hoon Ghareeb-Ul-Diyyar Hoon.
Zahra Ki Betiyon Ke Liye Dil Figar Hoon.
Larney Ka Qasad Kar Ke Jo Aata Watan Se Door.
Bachoon Ko Sath Apne Na Lata Watan Se Door.
Behnein Bhi Betiyaan Bhi Mere Sath Sath Hain.
Mehman Karbala Mein Tere Hum Furat Hain.
Chahon Tu Sang Rezoon Se Pani Nichor Doon.
Dasht-e-Bala Ke Sehra Se Kausar Ko Joor Doon.
Khud Ko Khuda Ke Hukam Se Majboor Kar Liya.
Pani Se Apne Aap Ko Lo Door Kar Liya.
Pani Hai Meri Maa Ke Mehar Mein Likha Howa.
Bachoon Ko Mere Phir Bhi Yeh Pani Na Mil Saka.
Serab Ho Rahe Hain Shutar Our Asap Bhi.
Aal-e-Nabi Ke Honton Pe Likhi Hai Tashnagi.
Ab Mere Baad Ahl-e-Haram Dukh Uthaein Gay.
Be Pardah Ashqiya Unhein Balway Mein Laein Gay.
Seene Pe Soney Wali Tamachay Jo Khaye Gi.
Mujh Ko Sadaein De Gi Chacha Ko Bulaye Gi.
Kehte Hain Ro Ke Tere Azadar Ya Hussain.
Rehbar Hai Apna Tera Alamdar Ya Hussain.
Paigham Tera Detey Hain Youn :SARWAR-o-REHAN:.
Jaisay Namaz-e-Ishq-e-Hussaini Ki Ho Azan.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1995-96:
#HussainYaHussain
#NohayLyrics
#tajpoint
Old Noha Hussain Ya Hussain Nadeem Sarwar Lyrics
Hussain Ya Hussain Nadeem Sarwar Lyrics In Urdu 1996 Write Up Poster Image
