Ya Fatima Mesum Abbas Lyrics In Urdu 2023
Ya Fatima Mesum Abbas Lyrics In Urd
Tujh Pe Shehzadi-e-Konain Meri Jan Fida.
Kya Mila Tujh Ko Zamane Se Musayab Ke Siwa.
Baad Paygamber-e-Islam Hoi Our Jafa.
Cheeni Jageer-e-Fidak Baap Ka Wirsa Na Diya.
Tujh Ko Jhutlaya Gaya Kitna Tarpaya Gaya.
Haye Afsoos Muhammad Ka Chaman Loot Liya.
Woh Jo Rehtey They Shifat Ke Talabgar Sabhi.
Aa Gaye Ghar Ko Jalanay Woh Sitamgar Sabhi.
Tu Ne Aayat Suna Dein Sar-e-Darbar Sabhi.
Phir Bhi Jhutlatay Rahe Tujh Ko Gunahgar Sabhi.
Tu Ne Jab Noha Kiya Hans Diye Ahl-e-Jafa.
Our Quran Ki Aayat Ne Yeh Bain Kiya.
Pasliyaan Toot Gayin Jalta Howa Dar Jo Gira.
Our Mohsin Ki Shahadat Ka Tujhey Dard Mila.
Roye Iss Baat Pe Haider Jo Tujhey Ghusal Diya.
Ta Dam-e-Marg Tera Hath Na Pehlu Se Hata.
Kyun Chupaya Tha Bhala Tu Ne Yeh Zakhm-e-Jafa.
Main Tere Baad Issi Baat Pe Hoon Mehway Boka.
Maa Chali Jaye Tu Lagta Hai Khuda Roth Gaya.
Saibaan Koi Nahi Dunya Mein Madar Se Bara.
Meri Bibi Teri Maiyyat Pe Yeh Beton Ne Kaha.
Neend Raton Ki Gayi Aap Ka Saya Jo Utha.
Hum Ko Tarpao Nahi Chor Ke Jao Nahi.
Ab Kahan Paein Gay Hum Aap Ke Aanchal Ki Hawa.
Main Tere Naam Ki Tasbeeh Jo Parhta Hoon Kabhi.
Khoon Rulati Hai Mujhe Teri Musibat Bibi.
Woh Ibadat Woh Musallay Pe Teri Noha Gari.
Hath Ik Pehlu Pe Ik Hath Se Tasbeeh Parhi.
Woh Raku Our Sajod Teri Ghurbat Pe Darood.
Iss Aziyat Mein Namazein Na Hoin Teri Qaza.
Aik Pal Ko Bhi Tere Gham Ko Nahi Main Bhool Saka.
Teri Marqad Ka Suna Phir Main Baqiya Pohancha.
Woh Udasi Woh Andhera Woh Sitamgar Fiza.
Haye Marqad Ki Alamat Ko Bhi Rehne Na Diya.
Roza Ban Jaye Tera Yeh Hai Arman Mera.
Phir Wahan Jaein Ziyarat Ko Sabhi Ahl-e-Azza.
Poet: :Mazhar Abidi:
Noha Khuwan: :Mesum Abbas:
Noha Volume: :Mesum Abbas 2023-24:
Composition: :Mesum Abbas:
#YaFatima
#NohayLyrics
#tajpoint
Ayyam e Fatamiya New Noha Ya Fatima Mesum Abbas
Ya Fatima Mesum Abbas Lyrics In Urdu 2023 Write Up Poster Image
