Haye Mazloom Ali Qamar Baltistani Lyrics In Urdu
ہائے مظلوم علیؑ
Hum Log Margaye Mir Hasan Mir Lyrics In Urdu
Kaisi Kaisi Hai Jafa Tujh Pe Hoi Bad-e-Nabi.
Zakhm-e-Zahra Abhi Taza Tha, Howa Sar Zakhmi.
Samne Tere, Tere Dar Ko Jalaya Maula.
Cheen Kar Haq Teri Zahra Ko Rulaya Maula.
Behar-e-Baiyat Teri Gardan Mein Rasan Bhi Hai Bandhi.
Khoon Rulata Hai Bohat Hum Ko Yeh Tareekh Ka Baab.
Koi Deta Hi Na Tha Tere Salamo Ka Jawab.
Kalma Goyon Ne Diya Tujh Ko Sila Maula Yehi.
Pehle Ahmad Ki Judai Ne Sataya Tujh Ko.
Our Zahra Ki Musibat Ne Rulaya Tujh Ko.
Oss Pe Gham Bantne Ghar Tere Na Aaya Koi.
Kalma Goyon Ne Rakhi Tujh Se Adawat Maula.
Mimberon Se Teri Hoti Thi Ahanat Maula.
Tere Mazloom Hasan Ne Yeh Qayamat Dekhi.
Tujh Pe Mehrab-e-Ibadat Mein Chali Taig-e-Sitam.
Aaj Tak Har Dil-e-Momin Mein Hai Taza Tera Gham.
Tujh Sa Mazloom Zamane Mein Nahi Dekha Koi.
Dil Hai :ALVI: Keh Ossay Noha Suna Kar Royon.
Marqad-e-Meesum-e-Tammar Pe Ja Kar Royon.
Kash Maula Meri Ban Jaye Sand Noha Yehi.
Poet: :Ali Mohammad Alvi:
Noha Khuwan: :Qamar Baltistani:
Noha Volume: :Qamar Baltistani 2023-24:
Composition: :Ahmed Nasiri:
#HayeMazloomAli
#NohayLyrics
#tajpoint
