Roodad e Sakina Syed Mohsin Hassan Jaffery Lyrics Urdu 2021
Roodad e Sakina Syed Mohsin Hassan Jaffery
Ik Chaar Sala Bachi Ka Ab Waqiya Suno.
Karb-o-Bala Se Sham Ke Zindaan Talak Chalo.
Shabbir Ki Yateema Ke Halaat Mein Dhalo.
Gham Youn Karo Ke Chehray Pe Tum Khak Ko Malo.
Barhney Laga Tha Shimar Jo Sarwar Ke Samne.
Bint-e-Hussain Roti Thi Khanjar Ke Samne.
Baba Pe Chalta Dekh Ke Khanjar Seham Gayi.
Tab Se Hi Shimar Se Woh Bohat Khof Mein Rahi.
Imdad Ke Liye Woh Soye Nehar Chal Pari.
Jab Na Miley Chacha Tu Najaf Ki Taraf Barhi.
Boli Aye Dada Mere Gohar Khainchta Tha Woh.
Baba Pe Charh Ke Baloon Se Hay Khailta Tha Woh.
Dada Jalaya Kurta Mera Wa Musibata.
Pani Bhi Samne Tha Baha Wa Musibata.
Cheeni Gayi Saron Se Rida Wa Musibata.
Mujh Ko Tha Taziyana Laga Wa Musibata.
Jab Se Chacha Gaye Hain Nazar Kam Meri Hoi.
Dadi Ko Mat Batana Kamar Khum Meri Hoi.
Pani Ka Koza Aaya Jo Pyason Ke Wastay.
Zainab Ne Woh Barha Diya Bachoon Ke Samne.
Bachoon Mein Phir Sakina Ke Chehray Ko Dekh Ke.
Boli Aye Jan Choti Ho Tum Hi Har Aik Se.
Yeh Sun Ke Uth Ke Boli Woh Khaimay Ke Baab Par.
Asghar Ka Haq Hai Mujh Se Zyada Iss Aab Par.
Guzri Jo Gham Ki Sham Tu Bachay Ginay Gaye.
Ik Na Mili Tu Khaimay Mein Nalay Shorow Hoye.
Fizza Ke Sath Bint-e-Ali Ke Qadam Barhey.
Haye Sakina Keh Ke Woh Maqtal Ki Ja Chaley.
Manzar Jo Dekha Gir Gayi Zainab Bhi Kanp Kar.
Teeron Pe Tha Hussain Sakina Hussain Par.
Phir Aayi Yeh Sada Ke Chalo Sham Jana Hai.
Sab Ik Jagah Sakina Ko Ik Ja Bithana Hai.
Ontoon Ko Taiz Rah Mein Hum Ko Chalana Hai.
Naqay Se Jan Bojh Ke Iss Ko Girana Hai.
Bachi Ke Girney Se Jo Sheh-e-Dein Ka Sar Rukay.
Abid Ko Itna Maro Ke Phir Qafila Chaley.
Bint-e-Ali Ne Naqay Se Khud Ko Gira Diya.
Jis Tarha Munh Ke Bal Tha Zameen Par Jari Gira.
Apne Ghamo Ko Bhool Ke Zainab Ne Di Sada.
Batlao Koi Tu Meri Bachi Hai Kis Jagah.
Dekha Jo Aik Konay Mein Ik Bibi Aayi Hai.
Oss Ne Sakina Gaud Mein Apni Solayi Hai.
Zainab Ne Aagay Barh Ke Kaha Shukriya Tera.
Iss Ban Mein Bhi Khiyal Rakha Shukriya Tera.
Godi Mein Le Ke Pyar Kiya Shukriya Tera.
Koi Nahi Yahan Pe Mera Shukriya Tera.
Phir Boli Woh Zaeefa Tera Aasra Hoon Main.
Zainab Tu Mere Lag Ja Galay Fatima Hoon Main.
Amma Se Mil Ke Bint-e-Ali Roti Jati Thi.
Rodad Sab Ghamo Ki Woh Ro Kar Sunati Thi.
Amma Sakina Ko Na Kahin Neend Aati Thi.
Khaney Mein Shimar Ke Yeh Tamachay Hi Khati Thi.
Itnay Mein Dar Ke Boli Woh Dukhiya Utho Chalo.
Aa Jaye Na Woh Shimar Sakina Utho Chalo.
Naqay Ke Pas Aa Ke Yeh Zainab Ne Ki Fogaan.
Bithla Rahe Ho Kyun Meri Bachi Ko Tum Wahan.
Khud Ko Sanbhal Pana Bhi Mushkil Lagay Jahan.
Yeh Sun Ke Kholi Bibi Se Karne Laga Biyaan.
Mat Fikar Karo Khof Na Khao Tum Iss Qadar.
Bachi Ko Bandh Doon Ga Main Rassi Se Ont Par.
Na Jane Rah Ka Woh Safar Kis Tarha Kata.
Naqay Se Woh Giri Bhi Nahi Khon Bhi Baha.
Har Moor Pe Sakina Ko Ik Dukh Niya Mila.
Darbar-e-Sham Mein Tu Sitam Our Bhi Barha.
Itnay Sharabiyon Mein Laeen Ne Kiya Ghazab.
Bachi Ko Woh Kaneezi Mein Karne Laga Talab.
Zindaan Mein Yaad Karti Thi Ghazi Ko Naik Naam.
Apni Hi Soch Mein Kiya Bachi Ne Phir Kalam.
Pathar Uthaye Phirtay They Rahoon Mein Khas-o-Aam.
Kya Kya Bataon Kitna Kathin Tha Har Ik Maqam.
Rassi Ke Sath Youn Meri Zehmat Barhi Chacha.
Panjon Ke Bal Main Rah Mein Chalti Rahi Chacha.
Jis Dam Sar-e-Hussain Sakina Ko Tha Mila.
Baba Ko Dekh Dekh Ke Deney Lagi Sada.
Mere Gohar Youn Cheeney Ke Kano Se Khoon Baha.
Baba Tamacha Shimar Laeen Ka Mujhe Laga.
Tab Se Seham Seham Ke Main Rehti Hoon Baba Jaan.
Aahat Se Bhi Main Shimar Ki Darti Hoon Baba Jaan.
Baba Tumhein Pata Hai Main Roti Hoon Raat Bhar.
Zindaan Ke Iss Andherey Se Darti Hoon Raat Bhar.
Karti Hoon Yaad Tum Ko Na Soti Hoon Raat Bhar.
Aaein Gay Kab Chacha Yehi Kehti Hoon Raat Bhar.
Munh Sheh Ke Munh Pe Rakh Ke Bohat Roi Hazeena.
Soyi Tu Phir Kabhi Nahi Uth Payi Sakina.
Dekha Jo Chaar Sala Zaeefa Ki Lash Ko.
Bint-e-Ali Pukari Aye Abid Madad Karo.
Mere Qareeb Aa Ke Sahara Zara Sa Do.
Mujh Ko Tum Ab Rubab Ki Janib Liye Chalo.
Batlaon Gi Main Oss Ko Kamai Ujar Gayi.
Teri Sakina Sham Mein Ghut Ghut Ke Mar Gayi.
Ghasala Phir Yateema Ki Khatir Bulayi Hai.
Chadar Kafan Ke Wastay Woh Sath Layi Hai.
Ghurbat Yahan Sakina Pe Kuch Aisi Chayi Hai.
Ghasala Cheekhti Hoi Parday Se Aayi Hai.
Boli Yeh Kam Mujh Se Zara Ho Nahi Raha.
Kurta Badan Se Iss Ke Juda Ho Nahi Raha.
Abid Ne Phir Kaha Mere Baqir Qareeb Aa.
Dafnaon Kaisay Behan Ko Itna Mujhe Bata.
Zanjeer Tum Sanbhalo Yeh Sajjad Ne Kaha.
Dafna Chukay Tu Aayi :RAZA: Khak Se Sada.
Lagta Hai Shimar Aaye Ga Turbat Pe Bhi Meri.
Baba Ke Sar Ko Bhi Yahan Dafna Do Aye Akhi.
Poet: :Mohsin Raza:
Noha Khowan: :Syed Mohsin Hassan Jaffery:
Noha Volume: :Syed Mohsin Hassan Jaffery 2021-22:
Composition: :Syed Mohsin Hassan Jaffery:
#RoodadeSakina
#NohayLyrics
#tajpoint
Musaddas Roodad e Sakina Syed Mohsin Hassan Jaffery
Bibi Sakina SA Noha Roodad e Sakina Syed Mohsin Hassan Jaffery
Roodad e Sakina Syed Mohsin Hassan Jaffery Lyrics Urdu 2021 Write Up Poster Image
