Ab Mere Pas Hai Syed Mohammad Shah Lyrics Urdu 2025

Ab Mere Pas Hai Syed Mohammad Shah.

Aaiye Aaiye Ya Imam-e-Zamaan.
Muntazir Hai Tera Ab Yeh Sara Jahan.

Aa Rahi Hai Imam-e-Zamaan Ki Sada Ab Mere Pas Hai.
Mere Dada Ali Ka Har Ik Mojza Ab Mere Pas Hai.

Mere Sar Pe Muhammad Ki Dastar Hai.
Mere Pehlu Mein Haider Ki Talwar Hai.
Nutaq e Hasnain Se Meri Guftar Hai.
Mera Kirdar Zahra Ka Kirdar Hai.
Panjtan Jis Mein Shamil Hoye Woh Kisa.
Ab Mere Pas Hai.

Zulfiqar-e-Ali Hath Mein Tool Kar.
Ran Mein Utron Ga Ya Syeda Bool Kar.
Zulm Rakh Doon Ga Mati Mein Main Rool Kar.
Sar Uraon Ga Aada Ke Jee Khol Kar.
Meri Dadi Ki Khushiyon Ka Har Faisla.
Ab Mere Pas Hai.

Lashkar-e-Shah-e-Dein Phir Banaon Ga Main.
Teen So Terah Salar Paon Ga Main.
Hasrat-e-Jang Pori Nibhaon Ga Main.
Sath Abbas Ko Apne Laon Ga Main.
Bint-e-Zahra Ka Sab Se Bara Bawafa.
Ab Mere Pas Hai.

Chand Do Neem Kar Ke Dikhaon Ga Main.
Phir Se Taray Ko Dar Par Bulaon Ga Main.
Kaisay Palta Tha Soraj Bataon Ga Main.
Murtajiz Ko Hawa Par Chalaon Ga Main.
Mere Kunbay Ne Jo Mojza Bhi Kiya.
Ab Mere Pas Hai.

Le Ke Quraan Haqeeqi Main Khud Aaon Ga.
Sari Tafseerein Aa Kar Main Jhutlaon Ga.
Jhotay Hafiz Hain Yeh Sab Ko Batlaon Ga.
Makki Madni Ki Tafreeq Samjhaon Ga.
Dast-e-Haider Ka Quran Likha Howa.
Ab Mere Pas Hai.

Ik Manadi Yehi Hai Meri Gaib Se.
Masjidon Mein Bichao Musallay Mere.
Jo Na Nam-e-Ali Ka Tashahud Parhey.
Oss Ke Sajday Bhi Sajday Na Kehlaein Gay.
Aisi Sari Namazon Ka Har Faisla.
Ab Mere Pas Hai.

Gham Ke Aanso Hoon Ya Jashan Ki Ho Khushi.
Kaun De Ga Kahan Kis Tarha Hazari.
Jis Ki Qismat Mein Likhon Ga Main Nokari.
Bas Lagaye Ga Woh Narah-e-Haidery.
Haan Wila Our Azza Ki Jaza Our Saza.
Ab Mere Pas Hai.

Yeh Madina Najaf Sham Our Karbala.
Kazmain-o-Bald Mashhad-o-Samarra.
Mere Ajdad Ke Shehroon Ka Silsila.
Main Mohafiz Hoon Khud Apni Jageer Ka.
Iss Fidak Ki Hifazat Ka Har Silsila.
Ab Mere Pas Hai.

Gaib Se Keh Rahe Hain Woh :AKBAR: Yehi.
Aye Azadaro Teyar Rehna Sabhi.
Aa Ke Pehle Banaon Ga Turbat Wohi.
So Rahi Hai Jahan Tanha Bint-e-Nabi.
Unn Ka Roza Bananey Ki Har Ik Dua.
Ab Mere Pas Hai.

Poet: :Hasnain Akbar:
Manqabat Khuwan: :Syed Mohammad Shah:
Manqabat Volume: :Syed Mohammad Shah 2024-25:
Composition: :Sayyed Zaire Naqvi:

#AbMerePasHai
#ManqabatLyrics
#tajpoint

New Manqabat Ab Mere Pas Hai Syed Mohammad Shah Lyrics Urdu

15 Shaban Manqabat Ab Mere Pas Hai Syed Mohammad Shah Lyrics

Ab Mere Pas Hai Syed Mohammad Shah Lyrics Urdu 2025