Shaam-e-Ghareebaan Sheher-e-Madina Saleem Mastan Wa Bradraan Lyrics Urdu 2025
Shaam-e-Ghareebaan Sheher-e-Madina Saleem Mastan Wa Bradraan.
Sham-e-Ghareebaan Shehar-e-Madina Mein Chayi Hai.
Ghurbat Rasool-e-Pak Ke Ghar Roney Aayi Hai.
Zahra Ke Gham Mein Noha Kuna Kul Khudai Hai.
Subat Aliya Kehta Hai Haye Duhai Hai.
Dunya Se Aaj Jan-e-Payamber Guzar Gayi.
Haye Hasan, Hussain Ki Madar Guzar Gayi.
Taboot Syeda Ka Jo Le Kar Chaley Ali.
Matam Se Gaunj Uthi Madine Ki Har Ghali.
Tareeki Shab Ki Our Baqiya Mein Barh Gayi.
Veerani Ghar Ki Our Bhi Veeran Ho Gayi.
Kuhram Barpa Ho Gaya Behno Ke Bain Se.
Lag Kar Galay Jo Roein Hasan Our Hussain Se.
Jab Dafan Kar Ke Zahra Ko Ghar Aa Gaye Ali.
Baba Ko Rota Dekh Ke Zainab Tarap Gayi.
Hathoon Ko Joor Ke Kaha Mushkil Kusha Ali.
Baba Baqiya Le Chalein Ab Betiyon Ko Bhi.
Baba Humein Bhi Turbat-e-Zahra Pa Jana Hai.
Mohsin Ka Hum Ne Amma Ko Noha Sunana Hai.
Tareek Shab Mein Qabar Pa Pohanchi Hain Betiyaan.
Ik Dosrey Ko Hosla Deti Hain Betiyaan.
Aapas Mein Dono Guftgu Karti Hain Betiyaan.
Yeh Qabar Bait-e-Huzn Hai Kehti Hain Betiyaan.
Ashkon Se Apne Kar-e-Khudai Karein Gay Hum.
Turbat Pa Syeda Ke Tarai Karein Gay Hum.
Turbat Pa Fatima Ki Yeh Zainab Ke Bain Hain.
Gham Mein Hasan Nidhal Hain Muztar Hussain Hain.
Be Chain Hain Woh Aaj Ke Jo Dil Ke Chain Hain.
Kis Haal Mein Magar Yeh Shah e Mashreqain Hain.
Haider Youn Dil Ka Haal Nabi Ko Sunatay Hain.
Bachoon Se Munh Chupatay Hain Our Rotay Jate Hain.
Farsh-e-Azza Hussain Ne Ghar Mein Bicha Diya.
Jibreel Bhi Zameen Pa Pursay Ko Aa Gaya.
Ro Kar Ali Pukarey Mera Ghar Bikhar Gaya.
Lab Par Hai Unn Ke Mohsin-o-Zahra Ka Marsiya.
Haye Ali Ka Koi Bhi Yawar Raha Nahi.
Mohsin Nahi, Rasool Nahi, Syeda Nahi.
:AHSAAN: Woh Ghari Tu Qayamat Ki Thi Ghari.
Shabbir Ne Yeh Rotay Hoye Iltija Jo Ki.
Koi Nahi Raha Meri Amma Nahi Rahi.
Jo Fikar Mein Hamesha Rahi Meri Pyas Ki.
Royon Ga Main Tu Kaun Mujhe Chup Karaye Ga.
Ab Kaun Mujh Ko Raat Mein Pani Pilaye Ga.
Poet: :Ahsaan Rizvi:
Marsiya Khuwan: :Saleem Mastan Wa Bradran:
Noha Volume: :Saleem Mastan 2025-26:
#ShehereMadina
#NohayLyrics
#tajpoint
New Marsiya Shaam-e-Ghareebaan Sheher-e-Madina Saleem Mastan Wa Bradraan
Shaam-e-Ghareebaan Sheher-e-Madina Saleem Mastan Wa Bradraan Lyrics Urdu 2025 Write Up Poster Image
