Ayyo Hannas Dil E Haider E Karrar Hon Main Mir Hasan Mir Lyrics Urdu 2025

Ayyo Hannas Dil e Haider e Karrar Hon Main Mir Hasan Mir Lyrics Urdu 2025

Ayyo Hannas Dil e Haider e Karrar Hon Main Mir Hasan Mir.

Ayyo Hannas Dil-e-Haider-e-Karrar Hoon Main.
Sab Mere Samne Majboor Hain Mukhtar Hoon Main.
Sorma Saf Shikan-o-Ghazi-o-Jarrar Hoon Main.
Alam-e-Zar Se Kissi Foaj Ka Salar Hoon Main.
Asadullah Ka Akas Mujhe Kehte Hain.
Shair Hoon Iss Liye Abbas Mujhe Kehte Hain.

Aarzu Hai Tu Koi Harf-e-Dua Hai Lekin.
Jo Bhi Moti Hai Woh Sach Hai Khara Hai Lekin.
Koi Mosa Koi Haron e Wafa Hai Lekin.
Kanz-e-Mabood Nageno Se Bhara Hai Lekin.
Kul-e-Eman-e-Imam-e-Azali Ne Manga.
Main Akela Hoon Jissay Rab Se Ali Ne Manga.

Al-Garz Behar-e-Manajat Uthay Dast-e-Khuda.
Saj Gayi Boltay Quran Ke Honton Pe Dua.
Rukh-e-Tareekh-e-Okhowat Pe Charha Rang-e-Wafa.
Bait-e-Molood-e-Haram Dekh Ke Qudrat Ne Kaha.
Ab Gharor-e-Shab-e-Tareek Zara Maand Bhi Ho.
Barah Soraj Hain Jab Iss Ghar Mein Tu Ik Chand Bhi Ho.

Rah Mushkil Ho Tu Aasan Bana Deta Hoon.
Khar Zaron Ko Gulistan Bana Deta Hoon.
Harf-e-Ruswa Ho Tu Zeeshan Bana Deta Hoon.
Main Bhikari Ko Bhi Sultan Bana Deta Hoon.
Apne Aaqa Ke Gulistan Ka Gul-e-Taza Hoon.
Woh Agar Shehar-e-Sakhawat Hain Main Darwaza Hoon.

Kya Kaha Shah-e-Abuzar Se Miley Ga Ke Nahi.
Aab Kozay Ko Samandar Se Miley Ga Ke Nahi.
Noor Kuch Mehar-e-Munawar Se Miley Ga Ke Nahi.
Sochtay Ho Keh Mere Ghar Se Miley Ga Ke Nahi.
Shab Ke Phanday Mein Gala Daal Diya Jhool Gaye.
Kya Mera Baab-e-Hawaij Ka Laqab Bhool Gaye.

Koi Zar Koi Gohar Koi Rida Mangta Hai.
Yeh Zamana Mujhe De De Ke Sada Mangta Hai.
Youn Tu Har Lehja-e-Beemar Shifa Mangta Hai.
Aa Ke Kafir Koi Jab Mujh Se Dua Mangta Hai.
Paish-e-Rab Kalma-e-Tauheed Parha Deta Hoon.
Main Duaon Ko Musalman Bana Deta Hoon.

Hai Shajar Aik Muradoon Ke Samar Barah Hain.
Hai Sadaf Aik Taharat Ke Gohar Barah Hain.
Aasmaan Aik Imamat Ke Qamar Barah Hain.
Aik Hai Ahl-e-Nazar Noor-e-Nazar Barah Hain.
Barah Anwar-e-Imamat Ka Jo Ik Ghalib Hai.
Main Bhi Pota Hoon Ossi Ka Jo Abu Talib Hai.

Chotay Bhai Ko Larai Ki Ijazat De Do.
Taig-e-Bismil Ko Kalai Ki Ijazat De Do.
Foaj-e-Batil Ki Safai Ki Ijazat De Do.
Aaj Ke Din Tu Larai Ki Ijazat De Do.
Hasrat-e-Taig Pe Kha Kha Ke Taras Katay Hain.
Issi Din Ke Liye Batees Baras Katay Hain.

Sahib-e-Mashk-o-Alam Khaimay Se Be Taig Chala.
Phir Bhi Jibreel Ne Shehpar Ke Liye Wird Parha.
Dar Se Khamosh Howa Our Bhi Kuch Dil Dharka.
Jab Mili Shair Ki Aahat Tu Pukara Darya.
Rah Takta Tha Main Jis Ki Wohi Salik Aaya.
Gasibo Ghaat Se Bhago Mera Malik Aaya.

Chup Hoi Nehar Tu Abbas Ki Gonji Aawaz.
Banda e Khas Ossi Ka Hoon Jo Hai Banda Nawaz.
Apne Hi Khoon Se Wozu Kar Ke Basad Ijz-o-Niyaz.
Mujh Ko Parhna Hai Sakina Ki Muhabbat Ki Namaz.
Meri Janib Se Shahadat Ko Zabaan De Di Hai.
Ali Akbar Ne Saweray Hi Azaan De Di Hai.

Aasmaan Tak Jo Gayi Shair-e-Nayastan Ki Pukar.
Malak Al-Maut Ne Ghabra Ke Kaha Jee Sarkar.
Lehja-e-Ghaiz Mein Bola Yeh Hussaini Jarrar.
Sun Rahe Ho Jo Tarai Pe Hai Shor-e-Ashrar.
Dushmani Mein Yeh Kayi Roz Se Bal Khatay Hain.
Jao Darya Pe Khabar Kar Do Keh Hum Aate Hain.

Pehrey Daroon Ki Sada Thi Keh Tarai Choro.
Apne Bas Mein Nahi Hargiz Yeh Larai Choro.
Ab Yeh Faryad Yeh Giriya Yeh Duhai Choro.
Waqt Hai Bhag Nikalne Ka Kalai Choro.
Ghaiz Mein Aa Ke Jo Talwar Chala Deta Hai.
Yeh Parindon Ki Tarha Sar Ko Ura Deta Hai.

Shair Bola Keh Halakat Ke Nishaan Tak Bhago.
Tum Khiyalon Ke Musafir Ho Gumaan Tak Bhago.
Bhag Saktay Ho Jahan Tak Bhi Wahan Tak Bhago.
Sham Se Aaye Ho Hinda Ke Makaan Tak Bhago.
Maut Ki Rah-o-Rawish Khainch Ke Le Aayi Hai.
Tum Ko Nezay Ki Kashish Khainch Ke Le Aayi Hai.

Gham-e-Sehyaan Ke Dilasay Ho Kahan Jate Ho.
Jane Kitno Ki Khata Se Ho Kahan Jate Ho.
Tum Tu Hinda Ke Nawasay Ho Kahan Jate Ho.
Badar Ke Roz Se Pyasay Ho Kahan Jate Ho.
Kasa e Lafz-e-Halakat Se Mani Pe Lo.
Khoon Ke Pyaso Meri Talwar Se Pani Pe Lo.

Shimar Buzdil Se Pahey Joor Manga Our Manga.
Dair Kis Baat Ki Fill Foor Manga Our Manga.
Apne Anjam Pe Kar Ghoor Manga Our Manga.
Mujh Se Larna Hai Tu Foaj Our Manga Our Manga.
Ashal-e-Zeerak-o-Hoshiyar Kuchal Dalay Ga.
Itna Lashkar Mera Rahwar Kuchal Dalay Ga.

Hai Mere Waar Ki Raftar Hawa Ko Maloom.
Khadma Taig-e-Ali Hai Mere Hamlay Makhdoom.
Sabhi Jurat Ki Safon Mein Hai Azzal Se Meri Dhoom.
Jism Ajab Hone Lagin Gay Abhi Jaan Se Mehroom.
Har Shujat Ke Dhani Ibn-e-Wali Aaye Hain.
Tum Yeh Kehte Hoye Bhago Gay Ali Aaye Hain.

Apne Dil Mein Hai Jawaan Fatah-e-Khaybar Ki Umang.
Sang Ko Moom Karein Hum Tu Kabhi Moom Ko Sang.
Zindagi Lamhon Mein Be Deno Pe Ho Jaye Gi Tang.
Bhool Jao Gay Abhi Rustam-o-Sohrab Ki Jang.
Hum Jo Talwar Ke Qabzey Mein Kalai Dein Gay.
Unn Ke Ajdad Bhi Qabron Se Duhai Dein Gay.

Poet: :Bilal Kazmi:
Manqabat Khuwan: :Mir Hasan Mir:
Manqabat Volume: :Mir Hasan Mir 2024-25:
Composition: :Mir Qasim Mir:

#AyyoHannasDileHaider
#ManqabatLyrics
#tajpoint

New Manqabat Mir Hasan Mir Ayyo Hannas Dil e Haider e Karrar Hon Main

Ayyo Hannas Dil e Haider e Karrar Hon Main Mir Hasan Mir Lyrics Urdu 2025