Nohon Mein Qasidon Mein Hai Naton Mein Sakina 2022
Nohon Mein Qasidon Mein Hai Naton Mein Sakina.
Shamil Hai An Al-Hamd Ki Baton Mein Sakina.
Shabeer Ke Sajdoon Ne Khudawand Se Tujh Ko.
Manga Hai Tahajud Bhari Raton Mein Sakina.
Jibreel Ke Sheh Par Se Muqadas Tera Jhola.
Zainab Ne Jholaya Tujhe Hathoon Mein Sakina.
Woh Arsh Woh Mamora Woh Kaba Woh Saheefay.
Tehreer Tera Naam Hai Saton Mein Sakina.
Hum Loag Ghulaman-e-Sakina Hain Azal Se.
Our Zaat Ka Yeh Fakhar Hai Zatoon Mein Sakina.
Woh Mulk-e-Wafadari-e-Abbas Hai Jis Ke.
Shehroon Mein Sakina Hai Dehaton Mein Sakina.
Jaloot Ke Zindan Mein Parhta Raha Barson.
Taboot-e-Sakina, Manajaton Mein Sakina.
Pani Na Tujhe Milne Ki Padash Mein Ik Din.
Rab Aag Laga De Ga Furaton Mein Sakina.
:AKBAR: Ka Bharam Rakhiyo Keh Nohon Ke Elawah.
Kuch Bhi Nahi Amal Ke Khaton Mein Sakina.
Poet: :Hasnain Akbar:
#BibiSakina
#ManqabatLyrics
#tajpoint
Nohon Mein Qasidon Mein Hai Naton Mein Sakina 2022 Write Up Poster Image
