Karbobala Naseeb Se Jana Naseeb Ho Lyrics Urdu 2020
Karbobala Naseeb Se Jana Naseeb Ho.
Uthay Hain Hath Khudaya Issi Dua Ke Liye.
Naseeb Ho Safar-e-Ishq Karbala Ke Liye.
Karb-o-Bala Naseeb Se Jana Naseeb Ho.
Phir Laut Kar Wahan Se Na Aana Naseeb Ho.
Aankhon Ko Jab Bhi Ashk Bahana Naseeb Ho.
Aal-e-Nabi Ke Gham Ka Bahana Naseeb Ho.
Aisa Dar-e-Hussain Pe Sajdah Ho Aakhri.
Phir Mujh Ko Apna Sar Na Uthana Naseeb Ho.
Parwardigar Thokarein Dar Dar Ki Kab Talak.
Ab Mustaqil Najaf Mein Thikana Naseeb Ho.
Jaisa Mila Naseeb Se Umm Ul-Banin Ko.
Ab Kiya Kissi Ko Aisa Gharana Naseeb Ho.
Jee Chahta Hai Samne Baithay Hoon Panjtan.
Unn Ki Sana Unhi Ko Sunana Naseeb Ho.
:MEHSHAR: Yeh Aarzu Hai Keh Be Ghusal-o-Be Kafan.
Karb-o-Bala Ki Teh Mein Samana Naseeb Ho.
Aanso Girey They Bali Sakina Ke Jis Jagah.
Apna Wahan Pe Khon Bahana Naseeb Ho.
Yeh Keh Ke Shah Nikley Mazar-e-Rasool Se.
Pardais Mein Kafan Mujhe Nana Naseeb Ho.
Asghar Hain Mere Hath Bandhay Kehti Thi Rubab.
Kaisay Tumhein Galay Se Lagana Naseeb Ho.
Mashkeza Le Ke Roza-e-Abbas Ke Qareeb.
Sab Zairon Ko Pani Pilana Naseeb Ho.
Ik Sar Bureda Lashay Ne Bachi Ko Di Dua.
Zindaan Se Tujh Ko Laut Ke Aana Naseeb Ho.
Nazdeek-e-Khaima Ga Sakina Ki Yaad Mein.
Sham-e-Ghareebaan Shama Jalana Naseeb Ho.
Sajjad Sham Tak Yehi Kartay Rahe Dua.
Chadar Mujhe Phophi Ko Urhana Naseeb Ho.
Aye Kash Phir Se :MIR TAKALLUM: Furat Par.
Mehdi Ko Sheh Ka Noha Sunana Naseeb Ho.
Poet: :Mehshar Lakhnavi:
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2020-21:
Composition: :Raza Shah:
#NohayLyrics
#tajpoint
Karbobala Naseeb Se Jana Naseeb Ho Lyrics Urdu 2020 Write Up Poster Image
