Khuwab e Safar e Arbaeen Page 1 Lyrics In Urdu 2019
Khuwab e Safar e Arbaeen Page 1
:SAJJAD: Kya Biyan Ho Woh Arbaeen Ka Khuwab.
Mati Ke Log Our Woh Sehan-e-Abuturab.
Nara Jo Gonjta Tha Janab-e-Ka.
Sara Haram Hi Lagta Tha Maidaan Ghadeer Ka.
Sab Ki Thi Chah Muthi Mein Kul Kainat Ho.
Dast-e-Khuda Ke Roze Ki Jali Pa Hath Ho.
WOh Zoaf Tha Keh Sara Badan Hi Nidhal Tha.
Sarkar Ki Zaree Pe Jana Mohal Tha.
Pehlu Mein Mere Sahib-e-Eman Tha Koi.
Darhi Mein Oss Ki Gard Thi Salman Tha Koi.
Bola Woh Muskurate Howay Band-e-Ahad.
Maula Ali Se Barh Ke Kaho Ya Ali Madad.
Jaise Hi Ya Ali Kaha Rasta Sa Ban Gaya.
Qadmo Mein Unn Ke Joor Ke Hathon Ko Phir Kaha.
Ya AbuTurab Chahiye Arsh-e-Olla Ka Izn.
Main Lene Aaya Hon Safar-e-Karbala Ka Izn.
Le Kar Abuturab Se Izn-e-Safar Barha.
Chokhat Pe Apne Maula Ki Sajda Adda Kiya.
Nikla Haram Se Jab Tu Main Dunya Se Aagay Tha.
Pehla Qadam Hi Sarhad-e-Sidra Se Aagay Tha.
Seedhe They Misal-e-Teer Jo Misal-e-Kaman They.
Jannat Ki Tarha Burhe Wahan Par Jawan They.
Manzar Woh They Keh Aqal Bhi Hairan Thi Meri.
Woh Karbala Ki Rah Thi Ya Ishq Ki Gali.
Zair Ki Jotiyaan Koi Seeta Howa Mila.
Nokar Ki Tarha Tha Koi Pani Liye Khara.
Bola Yeh Koi Kijiye Ghar Mein Mere Qayam.
Aaram Ka Hai Aap Ke Mojood Intezam.
Kehta Tha Chaliye Aap Ko Khana Khilaon Ga.
Chal Chal Ke Thak Gaye Hain Main Paon Dabaon Ga.
Ghazi Ki Saltanat Ki Ajab Zaib-o-Zain Thi.
Jis Samt Bhi Nazar Ki Niyaz-e-Hussain Thi.
Zair Hi Keh Ke Mujh Ko Bulaya Gaya Wahan.
Zair Hi Keh Ke Mujh Ko Khilaya Gaya Wahan.
Main Ne Bhi Jis Se Baat Ki Zair Kaha Ossay.
Jis Se Bhi Koi Cheez Li Zair Kaha Ossay.
Poet: :Mir Sajjad Mir:
Noha Khuwan: :Mir Sajjad Mir:
Noha Volume: :Mir Sajjad Mir 2019-20:
New Nohay Lyrics 1441 Hijri 2019
#NohayLyrics
#tajpoint
New Noha Khuwab e Safar e Arbaeen Page 1
Khuwab e Safar e Arbaeen Page 1 Lyrics In Urdu 2019 Write Up Poster Image
